Каля 2 тыс. навабранцаў з Віцебскай вобласці папоўняць шэрагі Узброеных Сіл Беларусі ў восеньскі прызыў
— Асноўныя задачы прызыву грамадзян на тэрміновую ваенную службу і службу ў рэзерве — выкананне імі канстытуцыйнага абавязку і падрыхтоўка па ваенна-ўліковых спецыяльнасцях, — сказаў начальнік накірунку прызыву на ваенную службу абласнога ваеннага камісарыята Аляксей Ненахаў. — Спадзяюся, што навабранцы стануць годнымі прадаўжальнікамі слаўных традыцый, закладзеных папярэднімі пакаленнямі абаронцаў Айчыны.
Аляксей Ігаравіч удакладніў, што адпраўка хлопцаў да месцаў нясення службы — гэта фінал прызыўной кампаніі, якому папярэднічалі месяцы карпатлівай працы па адборы кандыдатаў, здольных па сваіх фізічных і маральна-дзелавых якасцях увайсці ў строй.
У апошнія гады кожны другі прызыўнік па выніках медыцынскага асведчання прызнаецца прыдатным для праходжання ваеннай службы.