Каля 5 тыс. месцаў у студатрадах прапануюць студэнтам Віцебскай вобласці
"У асноўным размова ідзе аб працаўладкаванні на тэрыторыі рэгіёна. Ёсць месцы і на аб'ектах іншых абласцей краіны. Напрыклад, нашы атрады з Наваполацка і Аршанскага раёна будуць працаваць на аб'ектах БелАЭС і прадпрыемстве "Атлант" у Мінску. У Полацкай цэнтральнай раённай бальніцы ўжо працуе кругласутачны медатрад з мясцовага медыцынскага каледжа. Магчымасцю папрацаваць у ім у якасці малодшага медыцынскага персаналу з пачатку года скарысталіся ўжо 15 чалавек", - адзначыў Вячаслаў Хрол.
Па словах першага сакратара, фарміраванне студатрадаў, у тым ліку праз анлайн-заяўкі, зараз вядзецца па ўсіх профілях - сельскагаспадарчым, будаўнічым, педагагічным, сэрвісным. Удзельнікі студатрадаў па сэрвісным профілі прыступяць да працы з 15 чэрвеня, калі адкрыюцца дзіцячыя аздараўленчыя лагеры.
У 2019 годзе ў студатрадах Віцебскай вобласці было працаўладкавана 4,8 тыс. чалавек, у тым ліку 2 тыс. непаўналетніх. "Па выніках рэспубліканскага конкурсу нашы прадстаўнікі былі адзначаны ў многіх намінацыях, напрыклад, як лепшыя штабы працоўных спраў, атрады, камандзіры. Пры гэтым ужо не першы год пераходны сцяг атрымлівае будатрад "Эўрыка" як лепшы студэнцкі атрад і філіял "Вясна-Энерга" РУП "Віцебскэнерга" (Полацк) як лепшы наймальнік", - дадаў кіраўнік абласной арганізацыі.