Каля 50% пуцёвак навагодняга тура ў віцебскім санаторыі "Лётцы" ўжо забраніравана

28 кастрычніка, Віцебск /Сяргей Кочатаў - БЕЛТА/. Каля 50% пуцёвак навагодняга туру ў віцебскім санаторыі "Лётцы" ўжо забраніравана, паведаміў карэспандэнту БЕЛТА галоўны ўрач прыватнага даччынага лячэбна-прафілактычнага ўнітарнага прадпрыемства Сяргей Усялёнак. У гэтым годзе традыцыйны навагодні тур санаторый плануе арганізаваць з 25 снежня па 8 студзеня. Для адпачывальнікаў адміністрацыя распрацоўвае спецыяльную культурную праграму. Як паказвае вопыт мінулых гадоў, у такі перыяд санаторый працуе з поўнай загрузкай, у санаторыя ўжо з'явіліся пастаянныя наведвальнікі, у тым ліку з блізкага замежжа, якія аддаюць перавагу сустракаць Новы год менавіта ў віцебскім санаторыі, адзначыў Сяргей Усялёнак. У 2009 годзе санаторый увёў у эксплуатацыю спальны корпус з нумарамі павышанай камфортнасці. Былы першы спальны корпус, у якім раней было 66 адна- і двухмесных нумароў, сёння ператвораны ў 35-пакаёвы аб'ект з аднамесным пражываннем. У новым корпусе таксама размясціліся рэгістратура, аддзел маркетынгу, бухгалтарыя, гэта значыць тыя службы, з якімі ў першую чаргу кантактуюць адпачывальнікі. Акрамя таго, санаторый пастаянна пашырае пералік паслуг, што прадастаўляюцца. Сёлета набыты салярый, СПА-капсула, два кушэткі тэрмамеханічнага масажу "Nuga Best", пнеўма-кампрэсійная ўстаноўка "Лімфамат", шэраг іншых відаў абсталявання. Усяго на гэтыя мэты было накіравана звыш Br130 млн. За 9 месяцаў у санаторыі прайшлі аздараўленне больш за 8 тыс. чалавек, з якіх каля 40% замежныя грамадзяне. У параўнанні з аналагічным перыядам мінулага года колькасць адпачывальнікаў вырасла прыкладна на 8%. Санаторый "Лётцы" спецыялізуецца на лячэнні сардэчна-сасудзістых захворванняў, хвароб органаў стрававання і дыхання і можа прыняць 450 адпачывальнікаў у нумарах рознага ўзроўню камфортнасці. У сістэме лячэбна-аздараўленчых мерапрыемстваў важнае месца займаюць клімататэрапія (аэратэрапія, гематэрапія), бальнеатэрапія (выкарыстанне мінеральных вод для ваннаў, апырскванняў, інгаляцый, а таксама піцця) і тэренкур (лячэбная хадзьба на пэўныя адлегласці па прызначэнні ўрача).-0-