Каля 6,5 тыс. парушэнняў выяўлена ў студзені-жнівень на будаўнічых аб'ектах Віцебскай вобласці

9 верасня, Віцебск /Вольга Багачова - БЕЛТА/. Каля 6,5 тыс. дэфектаў і парушэнняў было выяўлена ў студзені-жнівень на будаўнічых аб'ектах Віцебскай вобласці, паведаміў карэспандэнту БЕЛТА начальнік інспекцыі Дэпартамента дзяржаўнага будаўнічага нагляду па Віцебскай вобласці Анатоль Дзіулін. Спецыялістамі ведамства было праведзена 2,4 тыс. праверак, падчас якіх праінспектавана 1612 аб'ектаў. За дапушчаныя парушэнні на заказчыкаў, падрадных і праектных арганізацый, а таксама арганізацый, якія ажыццяўляюць тэхнічны нагляд за будаўніцтвам, накладзена 98 штрафных санкцый на агульную суму Br40,4 млн. Палова выяўленых на будаўнічых аб'ектах парушэнняў адносіцца да разраду значных. "У асноўным гэта парушэнні тэхналогіі будаўнічага працэсу, узвядзенне аб'ектаў не па праектна-каштарыснай дакументацыі. Да колькасці нязначных адносяцца, у першую чаргу, адсутнасць высокай культуры вытворчасці і парушэнне тэхнікі бяспекі", - распавёў кіраўнік, адзначыўшы, што разам з тым у гэтым годзе колькасць нараканняў на працу будаўнікоў у параўнанні з 2008 годам паменшылася. "Гэта сведчыць аб тым, што будаўнічы комплекс вобласці стараецца працаваць у межах заканадаўства і па тэхналогіях", - падкрэсліў Анатоль Дзіулін. Усяго за восем месяцаў у Віцебскай вобласці ўведзена ў эксплуатацыю 351 тыс.кв.м жылля, што складае 59,6% гадавога задання. У жніўні пабудавана 39,6 тыс.кв.м, у тым ліку 2 тыс.кв.м - у сельгаспрадпрыемствах, 21,1 тыс.кв.м складае шматкватэрнае жыллё ў гарадах і райцэнтрах і 10,5 тыс.кв.м - індывідуальнае жыллё. Завершана будаўніцтва 951 аб'екта. Да колькасці найбольш значных аб'ектаў, будаўніцтва якіх у цяперашні час вядзецца ў абласным цэнтры, адносяцца рэканструкцыя плошчы Перамогі і вуліцы Гагарына, узвядзенне культурна-дзелавога цэнтра "Піраміда", школы на 930 вучняў у мікрараёне Білева-1. На асаблівым кантролі знаходзіцца працэс будаўніцтва 21 малочна-таварнай фермы ў розных раёнах вобласці, увод у эксплуатацыю гэтых аб'ектаў запланаваны ў кастрычніку.-0-