Каля 7,5 тыс. школьнікаў Віцебскай вобласці аздаровяцца падчас зімовых канікул

29 снежня, Віцебск /Вольга Багачова - БЕЛТА/. Каля 7,5 тыс. школьнікаў Віцебскай вобласці аздаровяцца падчас зімовых канікул, паведамілі карэспандэнту БЕЛТА ва ўпраўленні адукацыі Віцебскага аблвыканкама. Адпачываць і набірацца сіл да новай навучальнай чвэрці дзеці будуць у адным кругласутачным лагеры "Магістраль" і лагерах дзённага знаходжання. На аздараўленне дзяцей з бюджэту дзяржаўнага сацыяльнага страхавання будзе накіравана Br70 млн. Не давядзецца сумаваць у канікулярныя дні і астатнім падлеткам. Так, акрамя паўсюдна праводзімых навагодніх ранішнікаў, прадстаўленняў і шоу-праграм кожная навучальная ўстанова рэгіёна арганізуе экскурсійныя праграмы для сваіх вучняў, турыстычныя паездкі па Беларусі, спартыўныя спаборніцтвы, інтэлектуальныя турніры, дыскусійныя клубы. Актыўна працуюць з моладдзю цэнтры пазашкольнай работы. У больш чым 3,5 тыс. гуртках і секцыях па інтарэсах пры іх цяпер займаюцца звыш 40 тыс. дзяцей і падлеткаў. Традыцыйныя дабрачынныя акцыі па аказанні дапамогі і зборы канцтавараў і рэчаў для дзяцей з шматдзетных і малазабяспечаных сем'яў праводзіць са школьнікамі абласная арганізацыя БРСМ. З мэтай прафілактыкі правапарушэнняў, арганізацыі занятасці і вольнага часу актывісты пярвічак арганізуюць шэраг мерапрыемстваў для цяжкіх падлеткаў, да ўдзелу ў якіх прыцягваюцца прадстаўнікі праваахоўных органаў, вайсковых частак.-0-