Каля 78 тыс. вакцын супраць грыпу паступіць у Віцебскую вобласць

14 кастрычніка, Віцебск /Дзіяна Курыло - БЕЛТА/. За першыя тыдні кастрычніка ў Віцебскай вобласці перахварэлі вострымі рэспіраторнымі віруснымі інфекцыямі (ВРВІ) 11,4 тыс. чалавек, паведаміў карэспандэнту БЕЛТА намеснік начальніка ўпраўлення аховы здароўя Віцебскага аблвыканкама Сяргей Цыркін. Колькасць хворых прыкладна на 1 тыс. чалавек меншая, чым за два першыя тыдні кастрычніка 2008 года. Прычым гэтая тэндэнцыя назіраецца ва ўсіх чатырох кантрольных гарадах вобласці - Віцебску, Оршы, Полацку, Наваполацку, дзе з 1 кастрычніка штодня вядзецца маніторынг захворвання на ВРВІ і грып. Між тым са студзеня па верасень 2009 года ВРВІ у вобласці перахварэлі амаль 28 тыс. чалавек, што ў 1,12 раза больш, чым за такі ж перыяд 2008 года. У 1,29 раза ў параўнанні са студзенем-вераснем 2008 года павялічылася і зафіксаваная колькасць захворванняў з дыягназам "грып". На наступным тыдні ў вобласць пачнуць паступаць вакцыны супраць грыпу. Плануецца, што за кошт сродкаў рэспубліканскага бюджэту рэгіён атрымае каля 78 тыс. прэпаратаў, як інтэрназальных, так і суб'ядиничных - для дзяцей да трох гадоў. Акрамя таго, аблздароў будзе праводзіць актыўную тлумачальную кампанію сярод суб'ектаў гаспадарання аб неабходнасці закупкі вакцыны для прышчэпкі супраць грыпу сваім работнікам. Установы аховы здароўя вобласці таксама будуць набываць прэпараты для вакцынацыі на платнай аснове асоб, якія не ўваходзяць у групы рызыкі па захворванні на грып. Урач Сяргей Цыркін зноў нагадаў аб простых і даступных сродках прафілактыкі прастуды і грыпу: здаровы і актыўны лад жыцця, выкананне рэжыму працы і адпачынку, паўнавартаснае харчаванне, прагулкі на свежым паветры і добрае настрой.-0-