Каля Br1 млрд далічана ў бюджэт па выніках праверкі сельгаспрадпрыемства Полацкага раёна
Па выніках праверкі аднаго з сельскагаспадарчых прадпрыемстваў Полацкага раёна да выплаты ў бюджэт прад'яўлена каля Br1 млрд, паведамілі карэспандэнту БЕЛТА ў прэс-цэнтры інспекцыі МПЗ Беларусі па Віцебскай вобласці.
Інспекцыя МПЗ па Полацкім раёне падчас пазапланавай праверкі ўстанавіла неправамернае прад'яўленне арганізацыяй да вяртання з бюджэту падатку на дададзеную вартасць на агульную суму Br950 млн.
Да выліку былі прыняты сумы падатку на дададзеную вартасць, выплачаныя пры набыцці тавараў (работ, паслуг) за кошт бязвыплатна атрыманых сродкаў бюджэту, за 2013 год і студзень-жнівень 2014 года ў аб'ёме Br120 млн, а таксама дапушчана паўторнае адлюстраванне ў кнігах пакупак раней прынятых падатковых вылікаў на агульную суму Br790 млн. Акрамя гэтага ўстаноўлена, што прадпрыемствам не праводзілася налічэнне падатку на дададзеную вартасць па рэалізацыі абедаў сваім работнікам.
Па выніках праверкі да выплаты прад'яўлена Br950 млн падаткаў з налічэннем пені.
Алена Ціханава