Каля Br500 млрд. будзе ўкладзена ў 2011-2013 гадах у мадэрнізацыю Аршанскага льнокамбіната

10 студзеня, Мінск /Кар. БЕЛТА/. У мадэрнізацыю і тэхперааснашчэнне РВУП "Аршанскі льнокамбінат" у 2011-2013 гадах у адпаведнасці з указам №663 будзе ўкладзена каля Br500 млрд, паведамілі карэспандэнту БЕЛТА ў канцэрне "Беллегпрам". Прадпрыемству на працягу трох гадоў будзе прадастаўлена фінансавая дапамога з дзяржбюджэту ў памеры Br145 млрд, якая будзе накіравана на праектна-пошукавыя і будаўніча-мантажныя работы. Для закупкі абсталявання прадугледжваецца прыцягнуць знешняе фінансаванне ў памеры 85 млн еўра ў выглядзе дзяржаўнай пазыкі (крэдыту) са срокам вяртання не менш за 15 гадоў. Пры гэтым узнагароджанне працэнтаў па пазыцы (крэдыце) будзе ажыццяўляцца за кошт рэспубліканскага бюджэту. Акупнасць інвестыцый пры прынятай у бізнес-плане схеме фінансавання з моманту выхаду на праектную магутнасць складае 6 гадоў. Прадугледжана таксама распрацаваць праект будаўніцтва новай фабрыкі з поўным тэхналагічным цыклам перапрацоўкі льновалакна пры наяўнасці з 2013 года гарантаваных паставак айчыннага доўгага льновалакна ў колькасці не менш за 3,5 тыс. т сярэднім нумарам 14,5. Акрамя таго, Аршанскі льнокамбінат вызвалены ад падатку на дададзеную вартасць на ўвозімае абсталяванне. У мэтах фінансавага аздараўлення льнокамбінату пралангуюцца тэрміны вяртання пратэрмінаваных бюджэтных пазык. У канцэрне адзначылі, што ўмовай аказання Аршанскаму льнокамбінату дзяржаўнай падтрымкі з'яўляецца выкананне прадпрыемствам штогод у перыяд прымянення нормаў указа асноўных мэтавых паказчыкаў па тэмпах росту аб'ёму вытворчасці прамысловай прадукцыі і ўзроўню рэнтабельнасці рэалізаванай прадукцыі.-0-