Амкадорскія прадпрымальнікі прапануюць выпускаць на Аршанскім льнокамбінаце вату з лёну

Вату з лёну прапануюць выпускаць на Аршанскім льнокамбінаце омскія прадпрымальнікі, паведамілі карэспандэнту БЕЛТА ў Аршанскім райвыканкаме.

Сёння прадстаўнікі дзелавых колаў Омскай вобласці, якія знаходзяцца з візітам у Беларусі, наведалі Аршанскі льнокамбінат і выйшлі да кіраўніцтва прадпрыемства з прапановай стварыць сумесную вытворчасць па выпуску вырабаў медыцынскага прызначэння з лёну. Льнаводства развіта ў Омскай вобласці. У мінулым годзе тут сабрана 4,6 тыс. т льновалакна, аднак перапрацоўка сыравіны застаецца адной з вострых праблем рэгіёну.

Омскія прадпрымальнікі валодаюць тэхналогіяй вытворчасці медыцынскіх вырабаў, у тым ліку і ваты, з лёну. Аднак рынак збыту новай прадукцыі пакуль патрабуе вывучэння. Бакі дамовіліся на працягу трох месяцаў правесці маркетынгавае даследаванне, пасля чаго будуць зроблены высновы аб мэтазгоднасці стварэння такога прадпрыемства.