Аснова нацыянальнай каманды Беларусі для ўдзелу ў лонданскай Алімпіядзе сфарміравана - НАК

20 лістапада, Віцебск /Сяргей Кочатаў - БЕЛТА/. Аснова нацыянальнай каманды Беларусі для ўдзелу ў Алімпіядзе 2012 года ў Лондане практычна сфарміравана. Аб гэтым паведаміў карэспандэнту БЕЛТА віцэ-прэзідэнт Нацыянальнага алімпійскага камітэта Беларусі Генадзь Аляксеенка. У Віцебску ён прымаў удзел у цырымоніі адкрыцця стэлы з імянным медалем сярэбранага прызёра пекінскай Алімпіяды Вадзіма Дзевятоўскага. Падрыхтоўка да Гульняў у Лондане пачалася адразу пасля заканчэння пекінскай Алімпіяды. "Міністэрства спорту праводзіць атэстацыю, і ўжо практычна вымалёўваецца шкілет алімпійскай каманды 2012 года", - сказаў Генадзь Аляксеенка. Колькасць прэтэндэнтаў на траплянне ў каманду звузілася, але гэта тыя спартсмены, якія ўжо мэтанакіравана будуць рыхтавацца да ўдзелу ў Алімпіядзе. Ім будзе забяспечана неабходная падтрымка для таго, каб паказаць максімальны вынік на маючых адбыцца Гульнях. Ацэньваючы перспектывы падрыхтоўкі Вадзіма Дзевятоўскага, віцэ-прэзідэнт НАК адзначыў, што з улікам працягласці вымушанай паўзы спартсмен займаецца па індывідуальнай праграме і самастойна будзе прымаць рашэнні аб удзеле ў якіх-небудзь спаборніцтвах. "Для Вадзіма сёння галоўнай мэтай з'яўляецца Лондан, ён вопытны спартсмен і не стане фарсіраваць падрыхтоўку дзеля нейкіх іншых стартаў", - упэўнены Генадзь Аляксеенка.-0-