«Ад усёй душы»: абласная арганізацыя «Белая Русь» далучылася да рэспубліканскай дабрачыннай акцыі
Мэта акцыі — атуліць клопатам і ўвагай прадстаўнікоў старэйшага пакалення, дапамагчы і падтрымаць у побыце. Спрыяць больш цесным зносінам паміж пенсіянерамі і моладдзю, якія дазволяць развівацца грамадству, не забываючы пра павагу да старэйшых, любоў да Радзімы і іншыя традыцыйныя каштоўнасці.
Сёння ў рамках «Ад усёй душы» кіраўніцтва Віцебшчыны, абласной арганізацыі РГА «Белая Русь» і УП «Віцебскаблгаз», шараговыя члены грамадскага аб'яднання наведалі Віцебскі дом-інтэрнат для састарэлых і інвалідаў.
— Рад, што падобныя сустрэчы цікавыя розным пакаленням беларусаў, у тым ліку школьнікам, выклікаюць шквал пазітыўных эмоцый, — сказаў кіраўнік абласной арганізацыі РГА «Белая Русь», старшыня абласнога Савета дэпутатаў Уладзімір Цярэнтаў. — Пажылыя людзі, асабліва ветэраны вайны, — залаты фонд нацыі. Кожны з іх варты самых цёплых слоў. Дай Бог ім моцнага здароўя і доўгіх гадоў жыцця!
Натуральна, госці прыехалі не з пустымі рукамі: уручылі ганаровыя граматы і каштоўныя падарункі пражываючым і персаналу дома-інтэрната, у тым ліку сертыфікаты на ўмацаванне матэрыяльна-тэхнічнай базы.
