Галіновая лабараторыя шкла і валакністых матэрыялаў БДТУ адкрылася на базе ААТ «Полацк-Шкловалакно»

 

Намеснік старшыні канцэрна «Белнафтахім» Андрэй Бунакоў назваў гэту падзею важным крокам насустрач вытворчасці, навуцы і адукацыі. Ён таксама падкрэсліў, што дзякуючы адкрыццю Галіновай лабараторыі палепшыцца адукацыйная дзейнасць, павысіцца якасць падрыхтоўкі інжынерных кадраў, а таксама навукова-даследчых, доследна-канструктарскіх і доследна-тэхналагічных работ, з'явяцца новыя прадукты з унікальнымі ўласцівасцямі.

 

У бліжэйшы час, сказаў намеснік старшыні канцэрна, будуць бачныя вынікі гэтай дзейнасці, якая адлюструецца на павышэнні якасці шкла, зніжэнні матэрыяльных і тэхнічных затрат, забеспячэнні экалагічнай бяспекі вытворчасці шкловалакна.

Унікальнае навуковае абсталяванне дазволіць аналізаваць увесь спектр табліцы Мендзялеева: ад вадароду да ўрану, што дапаможа рэалізаваць высокі патэнцыял інтэлектуальнай і адукацыйнай дзейнасці спецыялістаў хімічнай галіны.

 

Госці ўрачыстага адкрыцця наведалі вытворчыя цэхі і музей ААТ «Полацк-Шкловалакно», прынялі ўдзел у рабоце семінара «Распрацоўка рэсурса- і энергазберагальных тэхналагічных працэсаў вытворчасці інавацыйных відаў прадукцыі».

"Віцебскія весці". Фота polotsk-psv.by.