Помнік загінуламу памежніку ўсталявалі ў Верхнядзвінскім раёне

Гэта адбылося ў верасні 2004-га. Аўтамабіль з супрацоўнікамі аддзела памежнай службы «Верхнядзвінск» вяртаўся з заставы «Савейкі» пасля нясення службы, кіроўца не справіўся з кіраваннем – і адбылася аварыя, у якой загінуў 37-гадовы капітан Уладзімір Нарубін. На месцы гібелі ва ўрочышчы Генаўская гара Асвейскага сельсавета ўстанавілі тады памятны знак, але з часам ён запатрабаваў замены.

Новы ў выглядзе памежнага слупа з граніту з імем загінулага капітана з'явіўся там дзякуючы афіцэрам Полацкага пагранатрада і яго падраздзяленням, якія сабралі грошы на добрую справу. Як паведаміў начальнік аддзела памежнай службы «Верхнядзвінск» падпалкоўнік Андрэй Нарубін, цырымонія адкрыцця помніка прайшла з удзелам начальніка Полацкага пагранатрада Уладзіслава Бруева, прадстаўнікоў духавенства, а таксама бацькі, сястры, сяброў трагічна загінулага Уладзіміра Генадзьевіча, якія дзякавалі за памяць.

Вольга Маслоўская, «Віцебскія весці». Фота Валерыя САЛАЎЁВА.