Партыя «Белая Русь» створана ў Беларусі

У Беларусі створана Беларуская партыя "Белая Русь". Такое рашэнне прынята 18 сакавіка на ўстаноўчым з'ездзе партыі ў Мінску.

• Устаноўчы з'езд партыі "Белая Русь" праходзіць у Мінску
• Зацверджаны статут і праграма Беларускай партыі "Белая Русь"
• Беларускую партыю "Белая Русь" узначаліў Алег Раманаў

"Як кіраўнік, які штодня размаўляе з людзьмі працы, бачу і разумею, што рашучае абнаўленне палітычнай мовы даўно наспела, - сказаў намеснік старшыні Магілёўскага аблвыканкама Валерый Малашка. - У беларускім грамадстве заўсёды былі святыя традыцыі міру, адзінства і згоды. Мы з'яўляемся спадчыннікамі вялікага палітычнага курса папярэдніх пакаленняў, якія пабудавалі магутную краіну і суверэнную Беларусь. Таму мы, дэлегаты ўстаноўчага з'езда, упэўнена і аднагалосна падтрымліваем будаўніцтва новай палітычнай партыі".

• Раманаў: партыйная сістэма Беларусі выходзіць на новы, больш высокі ўзровень развіцця
• Раманаў: адна з найважнейшых функцый партыі "Белая Русь" - стаць сацыяльным ліфтам
• Раманаў: ідэі праграмы "Белая Русь" атрымалі поўную падтрымку беларускага грамадства

Паводле яго слоў, у аснове новай партыі павінна быць ідэалогія стабільнасці, пастаяннага развіцця і поспеху. "Мы цалкам падтрымліваем словазлучэнне "Белая Русь". Назва партыі сугучна з імем нашай краіны. Перакананы, што партыя "Белая Русь" стане той палітычнай сілай, на якую будзе абапірацца ўлада", - дапоўніў Валерый Малашка.

• Наталля Качанава: мы не павінны быць абыякавымі да жыцця свайго народа і краіны

Каля 1 тыс. дэлегатаў з усёй краіны прыехалі ў Мінск на ўстаноўчы з'езд. Дэлегатам таксама неабходна прыняць статут і праграму партыі.

Як паведамлялася раней, праект праграмы партыі "Белая Русь" апублікаваны 28 лютага і вынесены на грамадскае абмеркаванне. Ініцыятарам стварэння новай партыі выступіла РГА "Белая Русь".

Ад Віцебскай вобласці на З'ездзе ў Вышэйшы палітсавет партыі былі абраны:

 

• Уладзімір Тарэнцеў, - старшыня Віцебскага абласнога Савета дэпутатаў, старшыня абласной арганізацыі РГА "Белая Русь";
• Вячаслаў Дурноў, намеснік старшыні Віцебскага абласнога выканаўчага камітэта;
• Дзмітрый Дзямідаў, старшыня Наваполацкага гарадскога выканаўчага камітэта;
• Мікалай Мартынаў, намеснік генеральнага дырэктара ТАА "Кіруючая кампанія холдынгу "Беларуская гарбарна-абутковая кампанія "Марка";
• Руслан Махмудаў, вядучы інжынер ААТ "Верхнядзвінскі масласырзавод";
• Павел Ястрамскі, дырэктар ДУА "Сярэдняя школа-1 г.Полацка".