Патрыярх Кірыл лічыць, што імем Беларусі дастойна стаць святая Еўфрасіння Полацкая
28 верасня, Віцебск /Дзіяна Курыло - БЕЛТА/. Патрыярх Маскоўскі і ўсяе Русі Кірыл лічыць, што імем Беларусі вартая стаць святая прападобная Ефрасіння Полацкая. Такі пункт гледжання ён выказаў, адказваючы на пытанне семінарыста на сустрэчы з моладдзю ў Віцебску, перадае карэспандэнт БЕЛТА.
Прайшло ўжо больш за 800 гадоў, а людзі памятаюць аб яе добрых справах і пакланяюцца яе мошчам. Такія асобы, як Аляксандр Неўскі, Яраслаў Мудры і Ефрасіння Полацкая, годныя таго, каб стаць героямі, упэўнены Патрыярх. "Героямі краіны не могуць быць прагматычныя палітыкі і тыраны, падобныя Івану Грозным", - сказаў ён.
Маладых людзей цікавіла і праблема захавання міру. "Як не дапусціць вайны?" - спыталі студэнты. "Ваенныя канфлікты магчымыя, калі чалавек папірае маральныя пачуцці. Словамі і дакументамі немагчыма ўсталяваць мір, пакуль не будзе ўстаранёна зло ў сэрцы чалавека", - упэўнены Патрыярх.
Сярод маладых людзей у канцэртнай зале "Віцебск" было нямала праваслаўных, таму заканамерна прагучала пытанне аб тым, якім павінен быць сучасны веруючы малады чалавек. "Ёсць пытанні, на якія вось так адразу і не адкажаш", - пачаў сваю адказ Уладыка. Веруючы павінен адэкватна ўдзельнічаць у грамадскім жыцці, рэалізоўваць сябе ў сацыуме, лічыць Кірыл, але пры гэтым ён павінен у любой сітуацыі памятаць аб хрысціянскіх запаведзях і каштоўнасцях. "Нельга быць праваслаўным у царкве і не быць праваслаўным на студэнцкай вечарыне", - дадаў ён. "Праваслаўе - гэта лад жыцця. Гэта сістэма матывацыі ўчынкаў", - падкрэсліў Патрыярх.
На памяць аб сустрэчы прадстаяцель Рускай праваслаўнай царквы падарыў усім прысутным у зале маладым людзям абразкі са сваім благаславеннем.-0-