Першая чарга культурна-аздараўленчага цэнтра ўрачыста адкрыта ў Лёзне

Невялікія райцэнтры не павінны саступаць буйным гарадам у пытаннях развіцця сацыяльна-культурнай інфраструктуры. Гэта адзначыў старшыня Віцебскага аблвыканкама Мікалай Шарстнёў падчас урачыстага мерапрыемства з нагоды адкрыцця першага пускавога комплексу культурна-аздараўленчага цэнтра ў Лёзне.

"Палітыка кіраўніцтва аблвыканкама накіравана на тое, каб райцэнтры, невялікія пасёлкамі не саступалі вялікім гарадам у пытаннях сацыяльна-культурнай інфраструктуры. Каб у такіх гарадскіх пасёлках, як Лёзна, былі створаны ўсе ўмовы для годнага жыцця і працы. А для гэтага патрэбны добры дзіцячы сад і школа, музычная школа, спартыўная зала, басейн і г.д. І вось гэты аб'ект, які мы сёння адкрываем, якраз дапаможа палепшыць сацыяльную сферу райцэнтра", - сказаў кіраўнік вобласці.

Губернатар адзначыў, што ў эканамічным сэнсе цяпер не самы просты час. "Фінансаў не хапае, і можна знайсці мноства аргументаў, каб нічога не рабіць. А можна, наадварот, засяродзіць увагу, мабілізавацца і дамагчыся добрага выніку. І вось гэты культурна-аздараўленчы цэнтр - яскравы прыклад сумеснай працы на карысць людзям", - падкрэсліў Мікалай Шарстнёў.

Ён таксама цёпла павіншаваў жанчын з Днём матчынай любові і адзначыў, што ў новым цэнтры дзеці змогуць набірацца сіл у спартыўных секцыях, развіваць уменні і таленты ў гуртках, далучацца да нацыянальнай культуры і асвойваць народныя рамёствы. "Для бацькоў вельмі важна ганарыцца сваімі дзецьмі. Усім жадаю менавіта такога пачуцця, каб дзеці былі годнасцю для сваіх маці і для ўсёй вобласці", - сказаў кіраўнік рэгіёна.

Старшыня Палаты прадстаўнікоў Нацыянальнага сходу Беларусі Уладзімір Андрэйчанка адзначыў, што ў апошні час у Лёзненскім раёне шмат зроблена для таго, каб жыццё стала больш камфортным і шчаслівым. "Раён развіваецца. Вашы ўстановы культуры -адны з лепшых у галіне, што не дзіўна, Лёзненскі край багаты гісторыяй і традыцыямі. Новы цэнтр, які мы ў бліжэйшы час дабудуем, будзе спрыяць таму, каб спартыўнае і культурнае жыццё раёна стала яшчэ больш яркім і насычаным", - падкрэсліў Уладзімір Андрэйчанка. У завяршэнне ён паздравіў жанчын з Днём маці, пажадаў жыхарам дабрабыту, а раёну - працвітання.

Алена Ціханава - БЕЛТА.