Першы выпуск супрацоўнікаў МНС па спецыяльнасці "выратавальнік-пажарны" адбудзецца сёння ў Віцебску

У Віцебску сёння адбудзецца першы выпуск супрацоўнікаў МНС па спецыяльнасці "выратавальнік-пажарны" з прысваеннем 7-га разраду, паведамілі карэспандэнту БЕЛТА ў Віцебскім абласным упраўленні МНС.

Прафесійная падрыхтоўка работнікаў па рабочай прафесіі "выратавальнік-пажарны" з прысваеннем 7-га разраду і выдачай дакументаў, устаноўленых Міністэрствам адукацыі, пачалася ў Віцебскай вобласці з 8 студзеня гэтага года на базе Вучэбнага цэнтра Віцебскага абласнога ўпраўлення МНС. Трохмесячны курс падрыхтоўкі складаецца з 598 навучальных гадзін, уключае комплекс тэарэтычных і практычных заняткаў, вучэнні, удзел у ліквідацыі пажараў.

Сёння ва ўрачыстай абстаноўцы адбудзецца першы выпуск 41 курсанта з уручэннем пасведчанняў. Затым падрыхтоўка супрацоўнікаў МНС па дадзенай спецыяльнасці будзе ажыццяўляцца 2-3 разы на год па меры набору курсантаў.

Ва ўпраўленні адзначылі, што раней залічэнне ў штат супрацоўнікаў ажыццяўлялася пасля праходжання спецправеркі і медкамісіі. Прафесійная падрыхтоўка пачаткоўцаў вялася ў індывідуальным парадку па месцы нясення службы і на курсавым навучанні ў Вучэбным цэнтры Віцебскага абласнога ўпраўлення МНС. Аднак спецыяльнасць пры гэтым не прысвойвалася. Аналагічным чынам была пабудавана праца і ў іншых рэгіянальных навучальных цэнтрах МНС.