Пяцёра цялят загінула пры пажары на ферме ў Пастаўскім раёне

28 лютага, Віцебск /Сяргей Кочатаў - БЕЛТА/. Пяць цялят ва ўзросце да месяца загінулі, яшчэ дзесяць жывёл удалося выратаваць пры пажары на ферме ў Пастаўскім раёне, паведаміла карэспандэнту БЕЛТА прэс-сакратар Віцебскага абласнога ўпраўлення МНС Марына Фандо. Здарэнне адбылося ўночы 27 лютага ў вёсцы Манькавічы на ферме, якая належыць ААТ "Сцяг Перамогі - Агра". Пажарным, якія прыбылі, давялося адначасова з ліквідацыяй пажару, эпіцэнтр якога знаходзіўся ў памяшканні вахцёра, займацца выратаваннем жывёл. Работнікам МНС удалося захаваць жыццё 10 цялятам ва ўзросце да 1 месяца, таксама ратавальнікамі былі эвакуяваны 200 галоў буйной рагатай жывёлы. Усяго на ферме знаходзілася 215 жывёл, пры гэтым дарослы скат і маладняк утрымліваліся ў асобных памяшканнях. На пажары пацярпеў вахцёр сельгаспрадпрыемства 1970 года нараджэння. Мужчына атрымаў апёкі рук і твару рознай ступені цяжкасці і быў шпіталізаваны ў Пастаўскую цэнтральную бальніцу. Мяркуемай прычынай пажару разглядаецца неасцярожнасць пры курэнні работніка сельгаспрадпрыемства, які, па папярэдніх даных, знаходзіўся ў нецвярозым стане. У выніку здарэння выгарэла памяшканне вахцёра ўнутры сельскагаспадарчага будынка.-0-