Плановы заданне I квартала на пастаўку металалому Віцебская вобласць выканала толькі на 79,1% - КДК

21 чэрвеня, Віцебск /Дзіяна Курыло - БЕЛТА/. Віцебская вобласць выканала дзяржаўны заказ на пастаўку лому і адходаў чорных металаў толькі на 79,1% ад планавага задання першага квартала, паведамілі карэспандэнту БЕЛТА ў Камітэце дзяржаўнага кантролю па Віцебскай вобласці. Пры гэтым абавязацельствы перад дзяржавай выканалі толькі 4 раёны вобласці. Да выканання дзяржзаказу ў сістэме спажыўкааперацыі не прыступалі Бешанковіцкае і Браслаўскае райпо. Як адзначылі ў КДК, у 2009 годзе дзяржзаказ на пастаўку лому і адходаў чорных металаў быў выкананы вобласцю на 87,9%. У Оршы невыкананне склала 1,6%, у Полацку - 7,8%, Наваполацку - 19,45%. Абласны цэнтр выканаў дзяржзаказ на 94,3%. Планавыя пастаўкі з раёнаў вобласці выканаў толькі Глыбоцкі раён, пры гэтым недапастаўкі склалі ад 5,7% да 36%. Сістэмай спажыўкааперацыі летась было недапастаўлена 9 тыс. т чорнага лому. Разам з тым КДК канстатуе, што ў 2009 годзе праваахоўнымі і мытнымі органамі з незаконнага абароту было вынята звыш 1,1 тыс. т лому і адходаў чорнага металу на агульную суму Br381,3 млн., спынена дзейнасць 30 нелегальных скупак металаў. За студзень-май бягучага года з незаконнага абароту вынята звыш 200 т металалому на суму Br68,6 млн., сем незаконных скупак спынілі сваю дзейнасць. Па выніках праверак выканання дзяржзаказу на пастаўку лому чорных металаў летась прыцягнуты да адміністрацыйнай адказнасці 4 суб'екты прадпрымальніцкай дзейнасці, у дачыненні да яшчэ траіх разглядаецца пытанне аб прыцягненні да адказнасці.-0-