Амаль кожная дзясятая справа аб адміністрацыйных правапарушэннях у судах Віцебскай вобласці спыняецца

18 жніўня, Віцебск /Дзіяна Курыла - БЕЛТА/. Амаль кожная дзясятая справа аб адміністрацыйных правапарушэннях у судах Віцебскай вобласці спыняецца па розных падставах. Аб гэтым сёння паведаміў журналістам, адказваючы на пытанне карэспандэнта БЕЛТА, старшыня Віцебскага абласнога суда Мікалай Хамічонак.

Суды Віцебскай вобласці адзначаюць рост колькасці разглядаемых спраў аб адміністрацыйных правапарушэннях пры змяншэнні колькасці крымінальных і грамадзянскіх спраў. За першае паўгоддзе бягучага года судамі разгледжана звыш 35,5 тыс. адміністрацыйных спраў, у той час як за аналагічны перыяд мінулага года іх было 31,8 тыс. Прычынай росту ў судах лічаць змяненне заканадаўства, згодна з якім адміністрацыйнаму ўздзеянню падвяргаюцца асобы, што здзейснілі дробныя хуліганствы, распіваюць спіртное ў грамадскіх месцах. Больш за ўсё да адказнасці ў Віцебскай вобласці прыцягнута асоб за здзяйсненне дробнага хуліганства - 39% ад агульнай колькасці, за распіццё спіртных напояў у грамадскіх месцах або з'яўленне ў грамадскім месцы ў нецвярозым стане - 32%, за дробнае хібанне - 7%.

Звыш 75% асоб, да якіх ужываецца адміністрацыйнае спагнанне, суды вызначаюць пакаранне ў выглядзе штрафу, прыкладна 14% караюцца арыштам, далей па частаце прымянення ідуць пазбаўленне спецыяльнага права, папярэджанне.

Па 2,6 тыс. адміністрацыйных справах спынены вытворчасці па розных падставах. Як лічыць Мікалай Хамічонак, гэта даволі высокі паказчык, які сведчыць аб тым, што складанне адміністрацыйных пратаколаў не заўсёды апраўдана.

     У першым паўгоддзі бягучага года ў судах Віцебскай вобласці скончана вытворчасць па 3 тыс. крымінальных спраў, па 22,6 тыс. грамадзянскіх. У студзені-чэрвені 2010 года судамі было разгледжана 3,8 тыс. крымінальных, 22,7 тыс. грамадзянскіх спраў.-0-