Амаль у 80% правераных гандлёвых аб'ектаў у Віцебскай вобласці выяўлены не якасныя тавары - КДК

14 кастрычніка, Віцебск /Дзіяна Курыло - БЕЛТА/. Камітэт дзяржаўнага кантролю Віцебскай вобласці ў трэцім квартале выявіў парушэнні патрабаванняў заканадаўства пры рэалізацыі тавараў ва ўсіх правераных аб'ектах гандлю, паведамілі карэспандэнту БЕЛТА ў КДК вобласці. КДК ажыццяўляе пастаянны кантроль за станам спажывецкага рынку, наяўнасцю айчынных тавараў на аптовых прадпрыемствах і ў рознічным гандлі. За ліпень-верасень бягучага года праведзена праверка 24 суб'ектаў, пры гэтым правераны 57 аб'ектаў гандлю, грамадскага харчавання і бытавога абслугоўвання ў Віцебску, Наваполацку, Віцебскім і Лёзненскім раёнах. Ва ўсіх праверках устаноўлены парушэнні патрабаванняў заканадаўства пры рэалізацыі тавараў. Практычна ў кожным гандлёвым аб'екце выяўлены продаж тавараў з пратэрмінаванымі тэрмінамі прыдатнасці, без цэннікаў і неабходнай маркіроўкі на ўпакоўцы аб вырабе і канчатковым тэрміне прыдатнасці тавараў. Акрамя таго, распаўсюджаны такія парушэнні санітарных правілаў, як захоўванне тавару на падлозе, на зямлі без падлогавых паддонаў, складанне з парушэннем таварнага суседства, тэмпературнага рэжыму, адсутнасць допускаў у санітарных кніжках прадаўцоў. Па выніках праверак да адміністрацыйнай адказнасці прыцягнуты 150 чалавек, да дысцыплінарнай - 116, у тым ліку два вызвалены. У цэлым за 9 месяцаў 2010 г. ва ўсіх 183 правераных гандлёвых аб'ектах спецыялістамі Камітэта дзяржаўнага кантролю Віцебскай вобласці ўстаноўлены парушэнні: у 146 (79,8%) аб'ектах не выконваліся патрабаванні да якасці тавараў, што рэалізуюцца, забракавана тавараў на суму Br17,1 млн.; у 121 (66,1%) пакупнікам не была прадастаўлена неабходная інфармацыя аб таварах; у 83 (45,3%) парушаліся санітарныя нормы і правілы; у 29 (15,8%) адсутнічалі тавары, прадугледжаныя асартыментнымі пералікамі, у 23 (12,6%) не выконвалася дысцыпліна цэн, у 17 (9,3%) парушаліся метралагічныя нормы і правілы. Да адміністрацыйнай адказнасці ў сферы гандлю і бытавога абслугоўвання за гэты перыяд прыцягнуты 501 правапарушальнік з накладаннем штрафаў на суму Br66 млн., да дысцыплінарнай - 299 чалавек, у тым ліку вызвалены 16.-0-