Падрыхтоўка да абласных "Дажынак" у Браславе ідзе па графіку - Аляксандр Баданін

"Работы вядуцца на 52 асноўных аб'ектах горада, некаторыя ужо завершаны або на фінальнай стадыі. Таксама ідзе капітальны рамонт 16 шматкватэрных дамоў, працягваецца добраўпарадкаванне дваровых тэрыторый. Праблем з фінансамі няма, усе будаўнічыя работы і падрыхтоўка да "Дажынак" выконваюцца па графіку. Экватар усіх работ мы пераадолелі", - сказаў Аляксандр Баданін.

У горадзе з'яўляюцца новыя клумбы, кветкавыя кампазіцыі, малыя архітэктурныя формы. "Важна, каб Браслаў стаў зручным для жыхароў і гасцей горадам. Чалавек павінен разумець, дзе размешчаны банк, кафэ, гасцініцы. Для гэтага, да прыкладу, на аўтобусных прыпынках размешчаны QR-коды, праз якія можна знайсці неабходную інфармацыю. Гэта толькі адзін з элементаў навігацыі, у цэлым канцэпцыя будзе распаўсюджана па ўсім горадзе", - заявіў старшыня райвыканкама.

Падчас азнаямлення з падрыхтоўкай да свята старшыня Віцебскага аблвыканкама Мікалай Шарстнёў наведаў асноўныя аб'екты. Сярод іх сярэдняя школа №2, лясны парк "Ляснічоўка", мясцовая бальніца і дзіцячы сад. Ён абмеркаваў са спецыялістамі праблемныя моманты і даў даручэнні па іх ліквідацыі. "У горадзе ўжо шмат зроблена, ён змяніўся ў лепшы бок. Сумненняў няма, што "Дажынкі" ў канцы верасня пройдуць годна", - падкрэсліў кіраўнік вобласці.

План падрыхтоўкі Браслава да абласных "Дажынкаў" уключае каля сотні аб'ектаў. Нядаўна пасля капрамонту адкрылі дзіцячы сад, у жніўні запланавана адкрыццё абноўленай сярэдняй школы №2. У працэсе - рамонт аб'ектаў аховы здароўя, жыллёвага фонду, дваровых тэрыторый. Аб'ём бюджэтных сродкаў складае парадку Br19 млн.

БЕЛТА.