Аддзелы па грамадзянстве і міграцыі УУС Віцебскага аблвыканкама ўкараняюць sms-інфармаванне

Падраздзяленні па грамадзянстве і міграцыі УУС Віцебскага аблвыканкама ўкараняюць sms-інфармаванне, паведамляе БЕЛТА са спасылкай на афіцыйны сайт УУС Віцебскага аблвыканкама.

"Сезон адпачынкаў - самая гарачая пара для афармлення і абмену пашпартаў. У сувязі з ужо ўсталяваным заяўным прынцыпам аднаго акна для эканоміі сіл і часу грамадзян з 1 ліпеня падраздзяленнямі па грамадзянстве і міграцыі органаў унутраных спраў пачне аказвацца новая паслуга па інфармаванні грамадзян з дапамогай sms-паведамлення на мабільны тэлефон аб гатоўнасці да выдачы дакумента: пашпарта грамадзяніна Рэспублікі Беларусь, віду на жыхарства ў Рэспубліцы Беларусь, праязнога дакумента", - паведамляе інтэрнэт-рэсурс.

Для аказання дадзенай паслугі неабходна ў заяве на выдачу (абмен) адпаведнага дакумента ўказаць поўны нумар мабільнага тэлефона, на які будзе дастаўлена паведамленне, і прадаставіць квітанцыю аб аплаце паслугі. Кошт за паведамленне складзе Br1 тыс.
Пражыванне па несапраўдных пашпартах, відах на жыхарства можа пацягнуць прыцягненне грамадзяніна да адміністрацыйнай адказнасці і штрафу да 4 базавых велічынь (Br400 тыс.), нагадваюць ва УУС.