Падраздзяленні па грамадзянстве і міграцыі падчас «Славянскага базару» падоўжаць рэжым працы

Падраздзяленні па грамадзянстве і міграцыі УУС Віцебскага аблвыканкама падчас "Славянскага базару" будуць працаваць ва ўзмоцненым рэжыме. Пра гэта паведаміў сёння на брыфінгу начальнік УУС Віцебскага аблвыканкама Ігар Яўсееў.

"У дні правядзення форуму ў вобласць прыбывае вялікая колькасць гасцей, у тым ліку замежных. Каб не ствараць напружання з афармленнем дакументаў, падраздзяленні па грамадзянстве і міграцыі пераходзяць на ўзмоцнены рэжым працы. Аформіць дакументы ў фестывальныя дні можна будзе з 8.00 да 20.00", - сказаў Ігар Яўсееў.

Начальнік УУС падкрэсліў, што арганізаваныя групы ўдзельнікаў фестывалю і турыстаў будуць праходзіць рэгістрацыю ва ўпраўленні па грамадзянстве і міграцыі, а госці, якія прыехалі на фестываль у прыватным парадку, змогуць аформіць дакументы ў рэгіянальных падраздзяленнях УУС па ўсёй вобласці.

Алена Ціханава - БЕЛТА