Цягнікі бізнес-класа Мінск - Віцебск плануюць запусціць у другім паўгоддзі

У адпаведнасці з планамі Беларускай чыгункі пасажырскія перавозкі па маршруце Мінск-Віцебск, пачынаючы з другога паўгоддзя бягучага года, плануецца забяспечваць цягнікамі міжрэгіянальных ліній бізнес-класа, якія абслугоўваюцца саставамі сучасных дызель-цягнікоў. Пра гэта праінфармавалі ў Міністэрстве транспарту і камунікацый, адказваючы на пытанні, якія паступілі да "Вялікай размовы з Прэзідэнтам", паведамляе БЕЛТА.

 

Чыгуначныя зносіны Мінск-Віцебск ажыццяўляюцца ў цяперашні час пасажырскімі цягнікамі, сфарміраванымі з вагонаў лакаматыўнай цягі з прычыны таго, што ўчастак Орша-Віцебск не электрыфікаваны. Таксама ў міністэрстве адказалі на пытанне аб абнаўленні грамадскага транспарту ў гарадах рэспублікі.

"Дзяржпраграмай развіцця транспартнага комплексу краіны на 2016-2020 гады прадугледжана, што фінансаванне мерапрыемстваў па абнаўленні парку пасажырскіх транспартных сродкаў аўтамабільнага і гарадскога электрычнага транспарту, развіццё і падтрыманне ў працаздольным стане інфраструктуры гарадскога электрычнага транспарту ажыццяўляецца за кошт мясцовых бюджэтаў, - паведамілі ў ведамстве.

- У абласцях і Мінску ў 2016-2018 гадах было набыта 796 аўтобусаў, 45 тралейбусаў і 32 электробусы". Па дадзеных Мінтранса, у гэтым годзе плануецца закупіць больш за 150 аўтобусаў гарадскога выканання, 75 аўтобусаў турыстычнага класа, 30 мяккіх аўтобусаў умяшчальнасцю да 25 месцаў і 50 электробусаў.

Як паведамлялася, напярэдадні "Вялікай размовы з Прэзідэнтам" БЕЛТА правяла акцыю "Ваша пытанне Прэзідэнту", падчас якой паступіла каля 2 тыс. зваротаў.

БЕЛТА.