"Полацк-Шкловалакно" мадэрнізавала вытворчасць і павялічыць выпуск шкловалакна на 20%

ААТ "Полацк-Шкловалакно" завяршыла рэалізацыю інвестыцыйнага праекта і ўвяло ў эксплуатацыю пасля рэканструкцыі шклаварную печ №2. У сувязі з гэтым чакаецца павелічэнне аб'ёму вытворчасці шклавалакна на 20%. Падрыхтоўка праекта ажыццёна праектна-канструктарскім аддзелам прадпрыемства з улікам уласных навуковых распрацовак у галіне шклаварэння і досведу эксплуатацыі печаў аднастадыйнай вытворчасці шклавалакна. Кошт інвестыцыйнага праекта склаў каля $5,6 млн. "Інавацыйны шлях развіцця - гэта эфектыўныя метады кіравання ў першую чаргу затратамі і якасцю, а таксама ўдасканаленне тэхналогій, - падкрэсліў Андрэй Бунакоў. - Дзякуючы рэалізацыі інвестыцыйнага праекта створана 105 працоўных месцаў, а самае галоўнае - павысілася прадукцыйнасць працы".

Актуальнасць праекта абумоўлена узрастаючым рынкавым попытам на электраізаляцыйныя шклатканіны, неабходнасцю пашырэння і мадэрнізацыі дзеючай вытворчасці бесперапыннага шклавалакна са шкла класа "Е". "Мы прынялі рашэнне аб рэканструкцыі і павелічэнні магутнасцяў, таму што ёсць попыт на гэту прадукцыю. У той час, калі ўсе гавораць аб крызісе, мы пашыраем прысутнасць на рынках розных краін, пастаянна праводзім перамовы, зараз падпісваем кантракты на наступны год. Так, у канцы месяца з гэтай мэтай паедзем у Галандыю, затым у Бразілію, дзе будзем прымаць удзел у выставе і падпісваць кантракты з краінамі Лацінскай Амерыкі. Следам у праграме паездак ЗША. Гэта вельмі перспектыўны рынак у плане павелічэння паставак, мы ацэньваем патэнцыйныя магчымасці ў $10 млн (цяпер каля $3 млн)", - падзяліўся Андрэй Бунакоў. Электраізаляцыйныя шклатканіны прымяняюцца пры вырабе фальгіраваных ламінатаў і нефальгіраваных дыэлектрыкаў, з якіх у далейшым вырабляюцца аднабаковыя, двухбаковыя і шматслаёвыя друкаваныя

матэрыялы. Матэрыялы на аснове электраізаляцыйных тканін валодаюць высокімі механічнымі і электраізаляцыйнымі ўласцівасцямі, трываласцю і стабільнасцю. Яны пераўзыходзяць усе матэрыялы з арганічных валокнаў, могуць эксплуатавацца ва ўмовах павышанай вільготнасці і высокай тэмпературы. Тонкія электраізаляцыйныя тканіны выкарыстоўваюцца для вытворчасці гнуткай ізаляцыі (шклалакатканiн, міканітаў, слюдапластаў, слюдзінітаў), якая шырока прымяняецца ў энергетыцы.
Полацкае прадпрыемства пастаянна ўдасканальвае тэхналогіі і асвойвае новыя віды прадукцыі. У 2016 годзе пачаўся прамысловы выпуск бесперапыннага базальтавага валокнаў і прадукцыі з яго. Значная частка распрацовак ствараецца сіламі уласных навукова-тэхнічных падраздзяленняў прадпрыемства. Доля інавацыйнай прадукцыі ў агульным аб'ёме вытворчасці складае 30,3%. Полацкі завод шклавалакна створаны ў 1958 годзе, з 2003 года - ААТ "Полацк-Шклавалакно". 

Гэта адзіны ў Беларусі і адзін з вядучых у Еўропе вытворцаў шклавалакна і матэрыялаў на яго аснове. Гадавы тавараабарот складае парадку $100 млн, колькасць работнікаў - больш за 4 тыс. чалавек. Асартымент налічвае больш за 900 відаў прадукцыі. Выпускаемыя на базе шклавалакна матэрыялы адносяцца да высокатэхналагічных, шырока прымяняюцца ў многіх галінах прамысловасці. На экспарт пастаўляецца больш за 90% выпускаемай прадукцыі, пры гэтым электраізаляцыйная тканіна экспартуецца на 100%. Геаграфія паставак налічвае 55 краін свету, размешчаных на пяці кантынентах.

Алена Ціханава - БЕЛТА.