«Полацктранснафта Дружба» да 2012 года рэканструюе падводны пераход нафтаправода Сургут-Полацк

18 лютага, Мінск /Ганна Кот - БЕЛТА/. ААТ "Полацктранснафта Дружба" плануе ў 2012 годзе завяршыць рэканструкцыю падводнага пераходу нафтаправода Сургут-Полацк праз раку Заходняя Дзвіна. Аб гэтым карэспандэнту БЕЛТА паведаміў начальнік вытворча-тэхнічнага аддзела акцыянернага таварыства Аляксандр Гаралевіч. Будаўнічым праектам прадугледжана пракладка рэзервовых поліэтыленавых труб пад рукаўной часткай ракі спосабам гарызантальна-накіраванага бурэння для пракладкі магістральных кабеляў сувязі, а таксама ўстаноўка наземных стацыянарных камер запуску і прыёму ачышчальных прылад і сродкаў дыягностыкі рэзервовай ніткі нафтаправода. Таксама ў 2010 годзе прадпрыемства пачало набываць абсталяванне для рэканструкцыі сістэм пажаратушэння тэхналагічных аб'ектаў НЛПС "Полацк", якая завершыцца ў 2012 годзе. Сістэмы пажаратушэння будуць прыведзены ў адпаведнасць з дзеючымі нормамі пажарнай бяспекі, павысіцца бяспека тэхналагічных аб'ектаў. У цяперашні час па праекце атрымана станоўчае заключэнне дзяржаўнай экспертызы. Падрадныя арганізацыі па названых рэканструкцыях ААТ "Полацктранснафта Дружба" вызначацца на адкрытых таргах, пасля чаго будзе распрацаваны графік работ. Адкрытае акцыянернае таварыства "Полацктранснафта Дружба" - сучаснае высокааўтаматызаванае прадпрыемства нафтахімічнага комплексу Беларусі. З'яўляецца правапераемнікам Наваполацкага рэспубліканскага ўнітарнага прадпрыемства па транспарце нафты (НРУПТН) "Дружба", ператворанага ў ААТ "Полацктранснафта Дружба" у канцы 2010 года. Асноўная задача акцыянернага таварыства - транспарціроўка расійскай нафты з Заходне-Сібірскага рэгіёну, Татарстана і Волжскага рэгіёну ў Беларусь (ААТ "Нафтан"). Нафтаправоды, якія эксплуатуюцца арганізацыяй, дазваляюць таксама ажыццяўляць транзітную транспарціроўку нафты ў краіны Балтыі.-0-