Учора ў краіне было абвешчана штармавое папярэджанне. Моцны вецер, хуткасць якога дасягала 24 метраў у секунду, прынёс нямала непрыемнасцей і віцяблянам. Толькі ў першай палове дня ў Віцебску стыхія пашкодзіла дах у жылым доме па вуліцы 2-я Цылінная, а таксама абрынула дрэва на легкавы аўтамабіль па вуліцы Чкалава.
У бліжэйшыя дні вецер трохі сціхне, аднак яго парывы могуць дасягаць яшчэ 15-18 метраў у секунду. У МНС нагадваюць, што падчас моцнага ветру рэкамендуецца абмежаваць выхад з будынкаў і знаходзіцца ў памяшканнях. Важна ўзяць пад асаблівы кантроль дзяцей і не пакідаць іх без нагляду. Знаходзячыся на вуліцы, у паркавай зоне нельга хавацца пад высокімі дрэвамі, лепш адысці ад іх метраў на 30-40. Калі моцны вецер заспеў на вуліцы, рэкамендуецца ўкрыцца ў падземных пераходах або пад'ездах будынкаў.
Не варта хавацца ад моцнага ветру каля сцен дамоў, бо з дахаў магчыма падзенне шыферу і іншых дахавых матэрыялаў. Гэта ж датычыцца прыпынкаў грамадскага транспарту, рэкламных шчытоў, дрэў, недабудаваных будынкаў. Аўтамабілі не варта паркаваць паблізу старых дрэў. А таксама ў такую надвор'е пажадана абмежаваць язду на далёкія адлегласці за межы населеных пунктаў.
Партал ПРОВІЦЕБСК
