Паступленні падатку на ігорны бізнес у Віцебскай вобласці ў студзені-сакавіку ўзраслі амаль на чвэрць

11 мая, Віцебск /Сяргей Кочатаў - БЕЛТА/. Падатковыя плацяжы ад дзейнасці камерцыйных структур у сферы ігорнага бізнесу на тэрыторыі Віцебскай вобласці ў студзені-сакавіку склалі больш за Br2,2 млрд. і ўзраслі амаль на чвэрць у супастаўным вымярэнні ў параўнанні з першым кварталам 2010 года. Пра гэта карэспандэнту БЕЛТА паведамілі ў прэс-службе інспекцыі Міністэрства па падатках і зборах па Віцебскай вобласці. Ігорным бізнесам у вобласці займаюцца 29 суб'ектаў гаспадарання, у тым ліку крыху больш за палову з іх стаяць на падатковым уліку ў іншых рэгіёнах Беларусі. Іх агульная колькасць скарацілася прыкладна на 17% у параўнанні з красавіком мінулага года. Паводле даных на сярэдзіну красавіка, усяго ў вобласці размешчана больш за 990 аб'ектаў ігорнага бізнесу, сярод якіх 27 кас букмекерскіх кантор, 11 гульнявых сталоў і звыш 950 гульнявых аўтаматаў, пры гэтым колькасць аўтаматаў скарацілася на 3% у параўнанні з данымі за першы квартал 2010 года.-0-