Выкрадальнікі дызпаліва з нафтапрадуктаправода затрыманы ў Аршанскім раёне

12 жніўня, Віцебск /Вольга Багачова - БЕЛТА/. Выкрадальнікі дызпаліва з нафтапрадуктаправода затрыманы ў Аршанскім раёне, паведамілі карэспандэнту БЕЛТА ў аддзеле інфармацыі і сувязяў з грамадскасцю УУС Віцебскага аблвыканкама.

Супрацоўнікамі Аршанскага міжрэгіянальнага аддзела 9-га ўпраўлення (па Віцебскай вобласці) ГУБВПС МУС Беларусі ўночы ў лесе паблізу вёскі Ходулы пры здзяйсненні крадзяжу дызпаліва з магістралі нафтапрадуктаправода ПУП "Захад-Транснафтапрадукт" затрыманы трое непрацуючых жыхароў Оршы 1982, 1983 і 1978 гадоў нараджэння. Незаконная здабыча склала 300 л дызпаліва.

У дачыненні да зламыснікаў, раней ужо судзімых за крадзяжы, узбуджана крымінальная справа па ч.2 арт.205 Крымінальнага кодэкса Беларусі ("Крадзеж, учыненая паўторна, альбо групай асоб, альбо з пранікненнем у жыллё"), якая прадугледжвае да 4 гадоў пазбаўлення волі.-0-