Віншаванне старшыні аблвыканкама
Дарагія жыхары Віцебшчыны!
Шчыра віншую Вас з Днём Канстытуцыі Рэспублікі Беларусь!
Гэта свята ўсіх, хто ганарыцца сваёй краінай, шануе яе гісторыю, хто працай і талентам штодзённа ўносіць уклад у працвітанне роднай зямлі. Асноўны Закон нашай дзяржавы адкрыў новую старонку ў развіцці суверэннай Беларусі. Мы разам будуем прававую дзяржаву, Канстытуцыяй якой замацаваны фундаментальныя прынцыпы дэмакратыі - падзел улад і вяршэнства Закона.
Канстытуцыя Рэспублікі Беларусь дакладна вызначае прыярытэты нацыянальнага развіцця, забяспечвае парадак і бяспеку ў краіне, з'яўляецца прававой асновай фарміравання шматукладной эканомікі.
Сацыяльна-эканамічная палітыка нашай дзяржавы накіравана на павышэнне якасці жыцця людзей. Патэнцыял Прыдзвінскага краю велізарны, у нас ёсць рэзервы для далейшага эканамічнага, сацыяльнага і культурнага развіцця. Праяўляючы ініцыятыву, прафесіяналізм, мэтанакіраванасць разам мы вырошчваем хлеб, мадэрнізуем вытворчасці, добраўпарадкоўваем гарады і вёскі, умацоўваем абараназдольнасць Радзімы ў імя стабільнага сучаснасці і шчаслівай будучыні.
Перакананы, што дабрабыт Айчыны шмат у чым вызначаецца ўменнем працаваць, выконваць свае абавязкі ў адносінах да дзяржавы, знаходзіць новыя рашэнні штодзённых задач.
Жыхары Віцебскай вобласці - патрыёты сваёй краіны, і сёння нашы добрыя справы прымнажаюць славу роднай зямлі.
Жадаю Вам, дарагія сябры, здароўя, шчасця, упэўненасці ў заўтрашнім дні, міру і згоды!
Аляксандр Косінец,
старшыня Віцебскага
абласнога выканаўчага
камітэта