Віншаванне старшыні Віцебскага абласнога выканаўчага камітэта

Паважаныя жыхары Віцебшчыны!

Сардэчна віншую праваслаўных хрысціян са светлым святам Раства!

Нараджэнне Збавіцеля стала для мільёнаў людзей сімвалам веры, надзеі і згоды, маральным арыенцірам. Таінства хрысціянскай любові і веліч дабра дапамагаюць нам супрацьстаяць мітусні і разладам, умацоўваюць у імкненні да ідэалаў гуманізму і справядлівасці, натхняюць на стварэнне і захаванне сапраўдных жыццёвых каштоўнасцей.

Праваслаўная Царква ўносіць значны ўклад у развіццё духоўных і сямейных традыцый Прыдзвінскага краю. У вобласці рэалізуецца Праграма супрацоўніцтва з Віцебскай і Полацкай епархіямі, вядзецца канструктыўны дыялог улады і царквы, накіраваны на вырашэнне сацыяльных пытанняў грамадства.

У гэтыя светлыя дні жадаю кожнай сям'і ўзаемаразумення, дабрабыту і радасці.

Няхай святло Віфлеемскай зоркі асвятляе нам шлях да міру і спакою на зямлі!

Жадаю Вам, дарагія сябры, здароўя, душэўных і фізічных сіл, шчасця і поспехаў у працы на карысць роднага краю!

Шчаслівага Раства!

З павагай,

Мікалай Шарснёў,

старшыня

Віцебскага абласнога

выканаўчага камітэта