Віншаванне старшыні Віцебскага абласнога выканаўчага камітэта
Ваеннаслужачым 103-й гвардзейскай
асобнай мабільнай брыгады і
ветэранам паветрана-дэсантных войскаў
Паважаныя таварышы!
Віншую Вас з Днём дэсантнікаў і сіл спецыяльных аперацый, 85-годдзем з дня ўтварэння паветрана-дэсантных войскаў!
2 жніўня 1930 года на вучэннях пад Варонежам упершыню было дэсантавана на парашутах падраздзяленне для выканання тактычнай баявой задачы.
Воіны – дэсантнікі праявілі рашучасць і смеласць у ходзе ўзброенага канфлікту на Халхін-Голе, савецка-фінскай і Вялікай Айчыннай войнаў, пры аказанні інтэрнацыянальнай дапамогі.
Гонарам і легендай стала гісторыя 103-й гвардзейскай паветрана-дэсантнай дывізіі, пасляваенны перыяд якой неадрыўна звязаны з Прыдзвінскім краем. Мы ганарымся мужнасцю, прафесіяналізмам і адвагай воінаў – дэсантнікаў, якія з гонарам выканалі інтэрнацыянальны доўг у Афганістане. Васьмярым прысвоена званне Героя Савецкага Саюза, больш за 11 тысяч узнагароджаны ордэнамі і медалямі.
Сёння вайскоўцы 103-й гвардзейскай асобнай мабільнай брыгады працягваюць слаўныя традыцыі ветэранаў-дэсантнікаў, паспяхова выконваюць задачы забеспячэння ваеннай бяспекі дзяржавы, прымаюць удзел ва ўсіх буйнамаштабных вучэннях. Па выніках 2013 – 2014 навучальнага года злучэнне прызнана лепшым у сілах спецыяльных аперацый Узброеных Сіл Рэспублікі Беларусь.
Мужнасць, патрыятызм, цвёрдасць духу і прафесіяналізм заўсёды будуць надзейнай гарантыяй стабільнасці дзяржавы і грамадства.
Жадаю Вам здароўя, шчасця, дабрабыту, поспехаў у службе і працы! Няхай заўсёды будуць мірнае неба і бяспечныя межы нашай Айчыны!
З павагай,
Мікалай Шарснёў,
старшыня
Віцебскага абласнога
выканаўчага камітэта