Віншаванне старшыні Віцебскага аблвыканкама А.М.Касінца з Днём Незалежнасці Рэспублікі Беларусь і 69-й гадавінай з дня вызвалення краіны ад нямецка-фашысцкіх захопнікаў у гады Вялікай Айчыннай вайны

Паважаныя жыхары вобласці!

Дарагія ветэраны!

Сардэчна віншую Вас з Днём Незалежнасці Рэспублікі Беларусь і 69-й гадавінай з дня вызвалення краіны ад нямецка-фашысцкіх захопнікаў у гады Вялікай Айчыннай вайны!

Свята вызвалення стала сімвалам нацыянальнага гонару, доблесці і славы, духоўнай святыняй, якая аказвае велізарны ўплыў на фарміраванне самасвядомасці і характару беларускага народа.

Традыцыйна ў гэты знамянальны дзень мы аддаём даніну глыбокай павагі адвазе і гераізму савецкіх салдат, партызан і падпольшчыкаў, самаадданасці працаўнікоў тылу, шануем памяць загінуўшых у барацьбе за свабоду і незалежнасць.

Наша дзяржаўнасць каранямі сыходзіць да гісторыі Полацкага княства, дзе тысячагоддзе таму зараджаўся прататып беларускай нацыі. Мы прайшлі няпросты шлях дзяржаўнага будаўніцтва, эканамічнага і сацыяльнага развіцця, пераадолеўшы цяжкасці і нягоды, занялі годнае месца ў міжнароднай супольнасці.

Вернасць ідэалам пабудовы моцнай суверэннай дзяржавы з'яўляецца характэрнай рысай жыхароў Прыдзвінскага краю, як і ўсяго беларускага народа. Віцебшчына заўсёды мужна супрацьстаяла знешнім ворагам. Сёння самаадданай працай мы ўмацоўваем сацыяльна-эканамічны і абаронны патэнцыял Беларусі, добраўпарадкоўваем гарады і вёскі.

Дарагія ветэраны, прыміце пажаданні доўгіх гадоў жыцця, здароўя, дабрабыту!

Паважаныя жыхары Віцебшчыны, моладзь!

Няхай новыя працоўныя здзяйсненні і поспех спадарожнічаюць Вам у дзейнасці на карысць Айчыны!

Жадаю Вам здароўя, мірнага неба, душэўнай раўнавагі, шчасця і дабрабыту.

З Днём Незалежнасці Рэспублікі Беларусь, дарагія сябры!

 

З павагай,

Аляксандр Косінец,

старшыня Віцебскага абласнога выканаўчага камітэта