Прадпрыемствы Віцебска ў студзені-красавіку павялічылі прамвытворчасць на 9%

15 мая, Віцебск /Дзіяна Курыла - БЕЛТА/. Прадпрыемствам Віцебска неабходна ў першым паўгоддзі бягучага года павялічыць тэмп росту прамысловай вытворчасці і давесці яго да 113%. Аб гэтым сёння на першай сесіі Віцебскага гарсавета дэпутатаў 26-га склікання паведаміў старшыня Віцебскага гарвыканкама Віктар Нікалайкін. Забяспечыўшы такі тэмп росту вытворчасці, прадпрыемствы горада змогуць выканаць устаноўленае аблвыканкамам гадавое заданне па павелічэнні аб'ёму выпуску прадукцыі ў параўнанні з леташнімі паказчыкамі на 24%, забяспечыць рост заработнай платы работнікаў і выканаць пяцігадовае заданне да 1 лістапада. Па выніках першых чатырох месяцаў бягучага года тэмп росту прамысловай вытворчасці склаў 109,1%, спажывецкіх тавараў - 105,4%, сярэднямесячная заработная плата на прадпрыемствах і ў арганізацыях абласнога цэнтра склала Br1 млн. 69 тыс. Заработная плата павінна быць зароблены, падкрэсліў Віктар Нікалайкін. Адным з рэзерваў для яе павышэння з'яўляецца разгрузка складоў. Па даных за студзень-красавік на складах прадпрыемстваў горада застаецца не запатрабаваная прадукцыя амаль на Br190 млрд. Хоць у параўнанні з мінулым годам запасы знізіліся больш чым на Br50 млрд., праблемы збыту існуюць. Старшыня гарвыканкама заклікаў новы дэпутацкі корпус садзейнічаць выкананню прагнозных паказчыкаў сацыяльна-эканамічнага развіцця горада, не заставацца абыякавымі да наказаў сваіх выбаршчыкаў, больш актыўна працаваць з жыхарамі ў сваіх акругах па рэалізацыі гарадскіх праграм добраўпарадкавання. Старшынёй Віцебскага гарсавета на першай сесіі абраны Мікалай Смунёў.-0-