Прадпрыемствы Віцебскай вобласці будуць часцей заахвочваць работнікаў за здаровы лад жыцця

Па словах намесніка старшыні Віцебскага абласнога аб'яднання прафсаюзаў Віктара Лугаўцова, праводзімая палітыка дзяржавы ў сацыяльнай сферы накіравана на самае каштоўнае – захаванне жыцця і здароўя грамадзян.

Прафсаюзы ў сваёй дзейнасці лічаць гэту задачу прыярытэтнай і робяць усё магчымае для заахвочвання работнікаў, якія займаюцца фізічнай культурай і спортам, вядуць здаровы лад жыцця і прымаюць удзел у спартыўна-масавых мерапрыемствах.

Практыка калектыўна-дагаворнага рэгулявання паказвае, што ў многіх працоўных калектывах вобласці ўжо ажыццяўляюцца меры па маральным і матэрыяльным стымуляванні такіх работнікаў.

– Разам з тым наша задача – пашырыць падобную практыку. З гэтай мэтай першасныя прафсаюзныя арганізацыі цяпер самі будуць ініцыяваць унясенне ў тарыфныя мясцовыя пагадненні і калектыўныя дагаворы палажэнняў, накіраваных на маральнае і матэрыяльнае заахвочванне. У тым ліку па набыцці за кошт прадпрыемстваў або на парытэтнай умове з прафсаюзнымі арганізацыямі абанементаў для заняткаў фізічнай культурай або поўнага ці частковага пакрыцця іх кошту работніку, – сказаў намеснік старшыні.

Віктар Лугаўцоў таксама акцэнтаваў увагу на тым факце, што не ўсе арганізацыі маюць магчымасць закладваць меры заахвочвання работнікаў.

З кіраўнікамі такіх арганізацый прафсаюзы маюць намер працаваць шчыльней, каб не выключаць нормы калектыўнага дагавора па правядзенні аздараўленчых і спартыўна-масавых мерапрыемстваў, а іх рэалізацыю прыпыняць часова да паляпшэння сітуацыі на прадпрыемстве, як гэта было ў свой час на ААТ "Нафтан".

БЕЛТА. Фота з архіва "Віцебскіх вестак".