Старшыня абласнога Савета дэпутатаў Уладзімір Церанцьеў павіншаваў біскупа Алега Буткевіча з Вялікаднем
У нядзелю, 12 красавіка, старшыня Віцебскага абласнога Савета дэпутатаў Уладзімір Цярэнцьеў павіншаваў усіх каталікоў з Вялікаднем.
Па традыцыі У. Цярэнцьеў уручыў букет белых руж біскупу Алегу Буткевічу.
У гутарцы з журналістамі кіраўнік аблсавета падкрэсліў, што, нягледзячы на непростую эпідэміялагічную сітуацыю, прадстаўнікі ўлады абавязаны былі прыехаць павіншаваць біскупа і ўсіх вернікаў-каталікоў, якіх нямала пражывае ў Віцебскай вобласці.
- Кіраўніцтва вобласці ўдзячна архібіскупу Тадэвушу Кандрусевічу і біскупу Алегу Буткевічу, якія звярнуліся да вернікаў перад святам з просьбай зберагчы сваё здароўе і застацца дома. Гэта высакародны учынак. Да таго ж па тэлебачанні была прамая трансляцыя святочнага набажэнства, - адзначыў Уладзімір Цярэнцьеў.