Старшыня Віцебскага аблвыканкама Аляксандр Субоцін прадставіў новага кіраўніка Аршанскага раёна
Раней Ігар Аляксандравіч займаў пасаду старшыні Сенненскага райвыканкама. На сесіі дэпутаты аднагалосна зацвердзілі Ігара Мароза на пасадзе старшыні райвыканкама. Кіраўнік вобласці ўрачыста ўручыў пасведчанне новаму кіраўніку раёна і растлумачыў прысутным, чаму было прынята рашэнне накіраваць сюды менавіта Ігара Мароза.
Губернатар вызначыў асноўныя напрамкі маючай адбыцца працы ў Аршанскім раёне, падкрэсліўшы значнасць яго значэння як для Віцебшчыны, так і для рэспублікі ў цэлым.
– Рэгіён – пілотны праект у краіне. І дасягнуты поспех трэба тыражаваць на іншыя рэгіёны. А таксама зрабіць працу над памылкамі. Таму пад нястомным кантролем літаральна ўсё: пачынаючы з сяла, прамысловасці, сацыяльнай сферы, добраўпарадкавання і інш. Пастаўлены задачы па ўсіх напрамках, – адзначыў Аляксандр Субоцін.
Ён таксама падзякаваў за працу ў рэгіёне Ігара Ісачэнку, адзначыўшы яго заслугі.
У сваю чаргу Ігар Мароз падкрэсліў, што пастараецца апраўдаць аказаны давер, не падвесці кіраўніка дзяржавы, губернатара і, безумоўна, людзей Аршаншчыны.
– Учора на прызначэнні ў Прэзідэнта ільвіная доля часу была адведзена Аршанскаму раёну, – канстатаваў новы кіраўнік рэгіёну. – Аляксандр Рыгоравіч Лукашэнка вельмі трапятліва ставіцца да Аршаншчыны. Ён асабіста ставіў перада мной задачы па развіцці раёна. Асаблівую ўвагу нацэліў звярнуць на прамысловы сектар, сельскую гаспадарку. Але не забываць і пра ахову здароўя, адукацыю, культуру, паляпшэнне якасці жыцця насельніцтва. Была закранута і тэма маючых адбыцца выбараў.
Ігар Мароз дадаў, што крытэрый ацэнкі працы любой улады – гэта паляпшэнне дабрабыту насельніцтва, таму ўсе імкненні будуць накіраваны менавіта на гэта.
