Старшыня Віцебскага аблвыканкама Мікалай Шарснёў павіншаваў з Днём ведаў
Дарагія сябры!
Сардэчна віншую Вас з Днём ведаў!
Сёння адукацыя, веды і вопыт асабліва запатрабаваны ў грамадстве. Народнай гаспадарцы патрэбны высокакваліфікаваныя спецыялісты, якія ўмеюць мысліць творча і знаходзіць рацыянальныя рашэнні.
Сімвалічна, што ў Год моладзі тэма першага ўрока 1 верасня гучыць ”На цябе, наша моладзь, надзея!“. Мы верым у стваральную сілу маладосці. Яе энергія, працавітасць, талент - залог паспяховага развіцця Прыдзвінскага краю. Дзяржава стварае ўмовы для таго, каб маладыя людзі маглі атрымаць сучасную адукацыю, асвоіць запатрабаваную прафесію, гарантуе працоўнае месца маладым спецыялістам, аказвае падтрымку адоранай моладзі.
1 верасня – свята для ўсіх пакаленняў, але асаблівае значэнне яно мае для першакласнікаў: яны ўпершыню сядуць за парты, і першы школьны званок адкрые ім дарогу ў займальны свет ведаў. Атрадна, што колькасць дзяцей, якія ідуць у першыя класы школ вобласці, з кожным годам расце. Ва ўрачыстай абстаноўцы сустракаюць сёння навучальныя ўстановы студэнцкую моладзь, а школы - маладых настаўнікаў, якія пачынаюць сваю працоўную дзейнасць.
І ў маленькай сельскай, і ў буйной гарадской школ адна мэта – якасная адукацыя, развіццё інтэлектуальнага патэнцыялу маладога чалавека, яго здольнасцей, таленту, фарміраванне актыўнай грамадзянскай пазіцыі, асноў маральных паводзін.
Дзень ведаў важны і для выхавальнікаў, і для бацькоў.
Паважаныя педагогі! Няхай кожны дзень нясе Вам радасць і задавальненне ад зносін з маладым пакаленнем!
Дарагія бацькі, вучні, студэнты! Ваша працавітасць, цярпенне, настойлівасць і добразычлівасць у адносінах адзін да аднаго дапамогуць зрабіць працэс навучання цікавым, карысным і выніковым.
Шчыра жадаю Вам здароўя, шчасця, дабрабыту, удачы і поспехаў!
У добры шлях да вяршынь ведаў!
З павагай,
Мікалай Шарснёў,
старшыня
Віцебскага абласнога
выканаўчага камітэта