Прэзідэнт Беларусі запатрабаваў забяспечыць максімальную якасць уборкі збожжавых

20 жніўня, Талачынскі раён /Людміла Сац - БЕЛТА/. Прэзідэнт Беларусі Аляксандр Лукашэнка сёння падчас рабочай паездкі па Віцебскай вобласці запатрабаваў забяспечыць максімальную якасць уборкі збожжавых, перадае карэспандэнт БЕЛТА. Аглядаючы збожжавае поле ў Талачынскім раёне, кіраўнік дзяржавы адзначыў: "Усе павінны быць арыентаваны на якасць. Таропіцца сёння з уборкай нельга. Нават калі будуць праблемы, таропіцца не варта, галоўнае - якасць". "Добра б яшчэ 1,5 млн.т збожжа намалаціць", - дадаў Прэзідэнт. У цяперашні час у Беларусі намалочана каля 7,5 млн.т збожжавых. Кіраўнік дзяржавы запатрабаваў забяспечыць намалот у 9 млн.т. "Мы гэта можам", - перакананы ён. Па словах Аляксандра Лукашэнкі, аб'ём сабраных збожжавых мог быць і большым, калі б не засуха ў пачатку лета і ліўневыя дажджы ў сярэдзіне. Пры гэтым Прэзідэнт падкрэсліў, што хлеб на палях не павінен прастойваць. У большай ступені гэта тычыцца паўночных рэгіёнаў краіны. Таксама кіраўнік дзяржавы звярнуў увагу на неабходнасць якаснай уборкі кукурузы на збожжа і насенне. Касаючыся асаблівасцей земляробства ў Віцебскай вобласці, Прэзідэнт запатрабаваў ад губернатара вызначыць аптымальную структуру пасяўных плошчаў па культурах. У прыватнасці, у паўночным рэгіёне можна больш вырошчваць тых збожжавых, якія маюць менш працяглы перыяд вегетацыі. Таксама Аляксандр Лукашэнка лічыць неабходным аптымізаваць у вобласці асобныя напрамкі жывёлагадоўлі, у прыватнасці больш разводзіць буйную рагатую жывёлу, бо для гэтага ёсць неабходныя плошчы сельскагаспадарчых угоддзяў і пашаў, менш - свіней і птушкі.-0-