Пры падрыхтоўцы да абласных "Дажынак" плануецца больш увагі надаваць рамонту дарог - Мікалай Шэрстнёў

У Віцебскай вобласці пры падрыхтоўцы наступных населеных пунктаў да абласнога свята "Дажынкі" павялічаць аб'ём дарожных работ. Пра гэта паведаміў сёння на прэс-канферэнцыі, прысвечанай правядзенню гэтага свята ў Верхнядзвінску 28 верасня, старшыня Віцебскага аблвыканкама Мікалай Шарстнёў.

Мікалай Шарстнёў падкрэсліў велізарную сацыяльную нагрузку, якую нясе свята: да яго правядзення старанна рыхтуюцца, узводзіцца і рэканструюецца мноства аб'ектаў. "Гэту працу мы працягнем. Аднак неабходна прыводзіць у парадак не толькі сам горад, але і дарогі раённага значэння, таму пры падрыхтоўцы наступнага свята будзем разглядаць пытанне павелічэння аб'ёму дарожных работ", - падкрэсліў губернатар. Падрыхтоўка горада, які прымае "Дажынкі", праводзіцца загадзя.

"На тры гады наперад мы плануем аб'ём работы, каб паслядоўна, не для адпіскі ўвасобіць потым задуманае: выканаць праектна-каштарысную дакументацыю, правесці тэндары, замяніць камунікацыі, прывесці ў парадак аб'екты, як у тым жа Верхнядзвінску. Гэта велізарная праца", - канстатаваў Мікалай Шарстнёў.

Кіраўнік вобласці таксама звярнуў увагу, што галоўны вынік гэтай працы заключаецца ў стварэнні камфортнай асновы для жыцця, а задача мясцовых органаў улады - прыцягнуць інвестараў, якія будуць ствараць працоўныя месцы. "Тады ў комплексе мы створым умовы, пры якіх моладзь будзе заставацца", - перакананы Мікалай Шарстнёў.

БЕЛТА.