Пры выкананні ўсіх тэрмінаў паліклініка Юг-7 у Віцебску можа адкрыцца ў пачатку 2019 года
Кіраўніка гарвыканкама азнаёмілі з ходам работ на ўзвядзенні паліклінічнага комплексу. Будоўля, як адзначыў генеральны дырэктар ААТ «Будаўнічы трэст №9, г. Віцебск» Уладзімір Ленчыкаў, ідзе па плане і ў дзве змены.
З фінансаваннем праблем няма, за першы квартал з выдзеленых 21 млн асвоена 3,7 млн рублёў. Да траўня збіраюцца завяршыць укладку даху і працягнуць аддзелачныя работы фасадаў і ўнутры карпусоў (цяпер унутраная аддзелка на 70% выканана ў 5-павярховым будынку, дзе будзе ў тым ліку і фізіятэрапеўтычнае аддзяленне), а за лета паралельна выканаць усе работы па добраўпарадкаванні прылеглай тэрыторыі.
Дарэчы, побач з паліклінікай будзе невялікі фантан, які дапоўніць сучасны выгляд установы аховы здароўя. Да снежня гэтага года будаўнікі разлічваюць прадставіць новую паліклініку для пуска-наладачных работ і мантажу абсталявання.
На аснашчэнне паліклінікі сучаснымі медыцынскімі апаратамі, як распавёў галоўны ўрач Віцебскай гарадской цэнтральнай паліклінікі Станіслаў Цітовіч, будзе затрачана каля 11 млн рублёў, прычым тут з'явяцца апарат МРТ, які звычайна ёсць толькі ў стацыянарах, і маммограф для абследавання малочных залоз.
Па разліках, у дзень установа аховы здароўя зможа прымаць да 1500 пацыентаў, а ў агульнай складасці тэрыторыя абслугоўвання ад праспекта Будаўнікоў да чыгункі і ад праспекта Чарняхоўскага да вул. П. Броўкі ахопіць насельніцтва колькасцю каля 57 тысяч чалавек.
Так разгрузяць паліклінікі №№1, 2 і 3. Амбулаторыя, якая зараз знаходзіцца на вул. Чкалава, пераедзе ў новы будынак, роўна як і некаторыя вузкія спецыялісты з вышэйзгаданых устаноў. Тут стануць працаваць запатрабаваныя, але рэдкія спецыялісты, напрыклад, урач-алерголаг. Такім чынам, паліклініка стане яшчэ і гарадскім дыягнастычным цэнтрам.
Станіслаў Іосіфавіч падкрэсліў, што амаль увесь штат медработнікаў будуць складаць тыя спецыялісты, хто ўжо працуе ў іншых паліклініках. Адміністрацыя таксама пераедзе ў новы будынак, прычым набіраць супрацоўнікаў не плануюць, а дадатковыя працоўныя месцы будуць створаны ў асноўным для абслуговага персаналу.
Пры выкананні тэрмінаў здачы аб'екта і паставак абсталявання можна казаць аб адкрыцці паліклінікі ў сярэдзіне першага квартала 2019-га, хоць некаторыя аддзяленні пачнуць сваю працу раней.
Галоўурач ВГЦП адзначыў, што падобная шматпрофільная паліклініка ўнікальная не толькі для горада, але і для рэспублікі: ні ў адным абласным цэнтры такой няма. Яе будаўніцтва вырашыць пытанне забеспячэння якасным медобслугоўваннем амаль у крокавай даступнасці і праблему загружанасці іншых паліклінік, а таксама атрымання паслуг многіх вузкіх спецыялістаў. Тут будуць функцыянаваць дарослае і дзіцячае, фізіятэрапеўтычнае аддзяленні, жаночая кансультацыя і стаматалогія і інш.