Прыдзвінскія спартсмены Уладзіслаў Ганчароў, Андрэй Праневіч і іх трэнеры Вольга Власава і Віктар Шаршукоў узнагароджаны ордэнам Айчыны III ступені

Прэзідэнт Беларусі Аляксандр Лукашэнка падпісаў Указ аб узнагароджанні спартсменаў і трэнераў, якія ўнеслі значны асабісты ўклад у развіццё фізічнай культуры і спорту. Прыемна, што сярод удастоеных ордэна Айчыны III ступені ёсць і прадстаўнікі нашай вобласці.

Гэта віцебскі скакун на батуце Уладзіслаў Ганчароў, які заваяваў «золата» Алімпіяды ў Рыа-дэ-Жанейра, і яго настаўнік – галоўны трэнер нацыянальнай каманды Вольга Уласава, палачанін Андрэй Праневіч, які перамог на Паралімпійскіх гульнях у фехтаванні, а таксама старшы трэнер алімпійскай зборнай Беларусі па цяжкай атлетыцы наваполачанін Віктар Шаршукоў.

Алесь Бынькоў, «Віцебскія вясці». Фота з адкрытых крыніц.