Прымірэньне дасягнута па 74% іскаў, разгледжаных у прымірыцельнай працэдуры гаспадарчым судом у 2012 годзе

Пагадненне аб прымірэнні дасягнута па двух трацінах спраў іскавога вядзення, разгледжаных у 2012 годзе ў прымірыцельнай працэдуры Гаспадарчым судом Віцебскай вобласці, паведаміла карэспандэнту БЕЛТА начальнік аддзела судовай практыкі Вольга Кібісава.

Па выніках працы за 2012 год, па 668 справах іскавога вядзення, што складае 74% ад разгледжаных у прымірыцельнай працэдуры, паміж бакамі дасягнуты дамоўленасці і падпісаны пагадненні аб прымірэнні. Заключаныя пагадненні дазволілі бакам не толькі зэканоміць на судовых выдатках, але і пераадолець канфлікт, захаваўшы магчымасці для далейшага супрацоўніцтва, падкрэсліла суразмоўніца. Патэнцыял прымірыцельнай працэдуры быў запатрабаваны на стадыі выканаўчага вядзення: па 30 справах заключаны міравыя пагадненні на ўмовах растэрміноўкі плацяжу.

Гаспадарчы суд вобласці адзначае захаванне тэндэнцыі да скарачэння колькасці паступаючых у суды іскавых заяў за кошт павелічэння спраў, якія разглядаюцца ў парадку спрошчанага судаводства. У параўнанні з аналагічным перыядам мінулага года, сярод усіх формаў звароту ў суды доля спраў загаднага вядзення павялічылася на 15% у параўнанні з 2011-м. Усяго ў Гаспадарчы суд Віцебскай вобласці летась паступіла амаль 14,3 тыс. зваротаў, што на 1% менш за папярэдні год.

Гаспадарчы суд актыўна працягвае ўкараненне сучасных інтэрнэт-тэхналогій у сваю практыку. З пачатку года з прымяненнем відэаканферэнцсувязі суддзямі праведзена 209 судовых пасяджэнняў, што дазволіла суб'ектам гаспадарання зэканоміць грашовыя сродкі на камандзіровачныя выдаткі, а іх прадстаўнікам - працоўны час.