Прыток прэтэндэнтаў на статус бежанца або дадатковую абарону ў Віцебскай вобласці ў 2017 годзе прыкметна знізіўся

Жан-Іў Бушардзі знаходзіцца ў абласным цэнтры з візітам 17-18 мая. За гэты час ён сустрэўся з прадстаўнікамі ўпраўлення па грамадзянстве і міграцыі УУС Віцебскага аблвыканкама, а таксама Віцебскай абласной арганізацыі Беларускага таварыства Чырвонага Крыжа, пагутарыў з самімі бежанцамі і людзьмі, якія шукаюць прытулак, што знаходзяцца ў пункце часовага размяшчэння.

У Службе па кансультаванні бежанцаў адбылася сустрэча з выхадцамі з Украіны. "Гэта адно з нашых рэгулярных наведванняў абласцей Беларусі, дзе мы сустракаемся з заяўнікамі і нашымі партнёрамі, каб даведацца аб іх набалелых праблемах і ацаніць змены з мінулага візіту. У прыватнасці, за мінулы перыяд у Віцебскім рэгіёне з'явіліся новыя хадайнікі з розных краін, у тым ліку выхадцы з Ірана, Пакістана, іншых дзяржаў. Але калі параўноўваць бягучую сітуацыю з тым, што было ў 2015 і 2016 гадах, то колькасць хадайніцтваў аб атрыманні статусу бежанца або дадатковай абароны істотна знізілася. З пачатку 2017 года ў Віцебскай вобласці за гэтым звярнуліся ўсяго 17 чалавек. У 2015 годзе звярнуліся па ўсёй краіне амаль 1250, з іх каля 200 - доля Віцебскага рэгіёну. Змяншэнне ў 2016 годзе было прыкладна напалову, цяпер жа мы бачым, што яно скарацілася да дзясяткаў", - сказаў Жан-Іў Бушардзі.

На сустрэчу ў Службе па кансультаванні бежанцаў прыйшло ўсяго трое заяўнікаў (у тым ліку двое з сем'ямі), якія ўжо атрымалі абарону дзяржавы. Размова з заяўнікамі паказала, што кола пытанняў, з якімі яны звяртаюцца, застаецца адным і тым жа: працаўладкаванне, жыллё, матэрыяльная дапамога, кампенсацыя затрат на медыцынскае абслугоўванне і лекі. Але ёсць і спецыфічныя, якія, напрыклад, датычацца адпраўкі дзяцей у школу, тым больш калі гаворка ідзе пра дзяцей з асаблівасцямі развіцця.

"З улікам значнага зніжэння колькасці

бежанцаў і асобаў, якія звярнуліся за абаронай, пытанне аб стварэнні спецыялізаванага цэнтра для размяшчэння тых, каму прадастаўлена дадатковая абарона або статус бежанца, не стаіць. Але у дадзены момант існуе комплексны праект, які стартуе у канцы 2017 або пачатку 2018 года і будзе рэалізоўвацца сумесна УВКБ ААН, Міжнароднай арганізацыяй па міграцыі, МЗС Беларусі і Дзяржпагранкамітэтам. Адзін з складнікаў праекта - кіраванне міграцыйнымі патокамі. Сярод мігрантаў могуць быць і людзі, якія знаходзяцца у нашай кампетэнцыі, - бежанцы, асобы, якія звярнуліся за абаронай. А значыць, гэты інфраструктурны праект зможа паўплываць на паляпшэнне месцаў размяшчэння такіх асоб", - адзначыў Жан-Іў Бушардзі.

Кацярына Князева - БЕЛТА.