Праблемы аднаўлення балот абмяркуюць удзельнікі навукова-практычнага семінара ў Міёрскім раёне

8 верасня, Віцебск /Дзіяна Курыло - БЕЛТА/. Розныя прынцыпы і падыходы да аднаўлення верхавых балот абмяркуюць удзельнікі навукова-практычнага семінара "Гідралагічныя прынцыпы і падыходы да планавання аднаўлення верхавых балот", які пройдзе з 9 па 11 верасня ў Віцебскай вобласці, распавялі карэспандэнту БЕЛТА ў ГА "Ахова птушак Бацькаўшчыны". Месцам правядзення семінара выбрана балота Астроўскае ў Міёрскім раёне, якое аднаўляецца ў рамках праекта ПМГ/ГЭФ "Паўторнае забалочванне выпрацаванага тарфяніку Астроўскае для папярэджання тарфяных пажараў і захавання біялагічнай разнастайнасці" і праекта "Аднаўленне тарфянікаў Беларусі і прымяненне канцэпцыі іх устойлівага кіравання - зніжэнне ўздзеяння на клімат з эфектам для эканомікі і біяразнастайнасці". Запланавана абмеркаванне розных падыходаў да аднаўлення балот, гідралагічных і гідраэкалагічных залежнасцей, важных для аднаўлення балот, жаданых аспектаў аптымальнага забалочвання, а таксама правядзенне палявой азнаямленчай экскурсіі на балота Астроўскае. Будзе разгледжаны вопыт праектаў ПМГ ГЭФ, ГЭФ-ПРААН і АПБ па аднаўленні парушаных тарфянікаў Беларусі, а таксама вопыт дрэздэнскага Інстытута гідрагеалогіі балот (Германія). Як чакаецца, у семінары прымуць удзел прадстаўнікі Міністэрства прыродных рэсурсаў і аховы навакольнага асяроддзя, Міністэрства лясной гаспадаркі, НПЦ па біярэсурсах НАН, Інстытута прыродакарыстання НАН, Інстытута гідрагеалогіі балот (Германія), ГА "Ахова птушак Бацькаўшчыны", праграм малых грантаў ГЭФ, праекта ГЭФ-ПРААН па тарфяніках, ДВА "Белтопгаз", РУП "Белгідрапрадгаспадарка", ТАА "Геаплан", Міёрскага райвыканкама і інш.-0-