Прадукцыя вытворцаў Віцебшчыны перамагла ў конкурсе «Лепшыя тавары Рэспублікі Беларусь па выніках 2014 года»
Згушчонае малако з цукрам і натуральнай кавай, каўбаскі «Смачныя з гарчыцай» і іншыя прадукты вытворцаў Віцебшчыны ўвайшлі ў лік пераможцаў конкурсу «Найлепшыя тавары Рэспублікі Беларусь» па выніках 2014 года.
Усяго ў спісе лаўрэатаў больш за 250 найменняў 145 прадпрыемстваў і арганізацый. Рэспубліканскі конкурс праводзіцца штогод па сумеснай ініцыятыве Дзяржстандарта, абласных выканаўчых камітэтаў і Мінгарвыканкама з мэтай інфармавання насельніцтва і арганізацый аб якаснай айчыннай прадукцыі, садзейнічання забеспячэнню спажывецкага рынку рэспублікі высока-якаснымі і канкурэнтаздольнымі беларускімі таварамі.
У намінацыі «Харчовыя тавары» адзначаны шэраг прадуктаў прадпрыемстваў малочнай галіны вобласці. Гэта Глыбоцкі малочнакансервавы камбінат (малако згушчонае з цукрам і натуральнай кавай, масла сладкаслівачнае несоленае), Верхнядзвінскі масласырзавод (сыры «Манарх» і «Верхнядзвінскі лёгкі»), Аршанскі малочны камбінат (малако ультрапастэрызаванае пітное «Аршыцкае», прастакваша, варэнец), Пастаўскі малочны завод (сыры плаўлены, «Альпійскі», «Трыумф»), Полацкі малочны камбінат (кефір «Полачанка»), Браслаўскі філіял ААТ «Глыбоцкі малочнакансервавы камбінат» (сыры «Гройцэр» малады, «Пашэхонскі асаблівы»). Акрамя таго, таварамі-пераможцамі прызнаны каўбаса «Віцебская» вышэйшай
го сарта, паўфабрыкат драблены мясны, каўбаскі сырыя «Смачныя з гарчыцай», прадукт мясны са свініны арыгінальны копчана-варёны «Дуэт Падмаскоўны» вытворчасці ААТ «Віцебскі мясакамбінат», хлеб «Эксклюзіў» бездрожжавы філіяла «Аршанскі хлебазавод» ААТ «Віцебскхлеб-прам», некаторыя алкагольныя напоі ААТ «Віцебскі лікёра-гарэлачны завод «Прыдзвінне».
Традыцыйна падводзіліся вынікі і ў намінацыі
«Прамысловыя тавары для насельніцтва і вырабы народных промыслаў». Тут у спісе пераможцаў апынуліся паўботы СОАТА «Белвест» і ПП «Сан Марка», пінжак і паліто мужское ААТ «Сцяг індустрыялізацыі», сукенка жаночая ПУП «Ніць» Беларускага таварыства глухіх. У намінацыі «Прадукцыя вытворча-тэхнічнага пра прызначэнне» лепшымі прызнаны тавары ААТ «Кераміка» (цагліна керамічная полноцелая адзінарная), Наваполацкага ТАА «ІНТЭП» (каплекты цеплавых пераўтваральнікаў), ААТ «Інвет» (трубы камунікацыйныя гнуткія гафрыраваныя двухсценныя з поліэтылену), станкабудаўнічага завода «Чырвоны баец» (плоскапрофілешліфавальны станок), навукова-вытворчага цэнтра «Белсістэм-тэхналогіі»rial">» (газавая гарэлка аўтаматычная).Больш падрабязна са спісам найлепшых тавараў краіны па выніках года можна азнаёміцца на сайце Дзяржаўнага камітэта па стандартызацыі Рэспублікі Беларусь
Вольга Маслоўская, "Віцебскія весці"