Праект "Грамадзянскі абавязак на варце міру" стартаваў у Полацкім раёне

Праект "Грамадзянскі абавязак на варце міру", прымеркаваны да Дня памяці воінаў-інтэрнацыяналістаў, стартаваў у Полацкім раёне, паведамілі ў прэс-службе мясцовага райвыканкама.

Праект, накіраваны на ваенна-патрыятычнае і духоўна-маральнае выхаванне моладзі, уключае ў сябе тры тэматычныя блокі: "Дарогамі вайны ў Афганістане" - вывучэнне гісторыі вайны; "Памятаем і ганарымся" - ушанаванне воінаў-інтэрнацыяналістаў, правядзенне мітынгаў; "Пад мірным небам" - конкурсныя праграмы. Ва ўстановах адукацыі да 15 лютага будуць праведзены класныя і тэматычныя гадзіны, урокі мужнасці. Дзеці пабываюць на экскурсіях у музеі воінаў-інтэрнацыяналістаў у сярэдняй школе №8 Полацка. Падрастаючае пакаленне прыме ўдзел у мітынгу-рэквіеме "Афганістан - наша памяць і боль" і лінейцы памяці "Воіны-інтэрнацыяналісты Беларусі - удзельнікі вайны ў Афганістане 1979-1989 гадоў". У раёне пройдуць конкурсы выканаўцаў патрыятычнай песні і юных чытальнікаў, будуць арганізаваны выставы-конкурсы малюнкаў і інш. Гасцямі і непасрэднымі ўдзельнікамі многіх мерапрыемстваў стануць ветэраны вайны ў Афганістане.

"Жыхары Полацкага раёна, верныя прысязе, таксама прымалі ўдзел у баявых дзеяннях у Афганістане. Яны годна выконвалі свой інтэрнацыянальны,

салдатскі і грамадзянскі доўг, увасобіўшы сабой прыклад актыўнай грамадзянскай пазіцыі, бескарыслівага служэння Айчыне і высокай асабістай доблесці\", - падкрэслілі ў прэс-службе. Арганізатарам праекта \"Грамадзянскі доўг на варце міру\" з'яўляецца аддзел адукацыі, спорту і турызму Полацкага раённага выканаўчага камітэта, партнёрамі праекта - Полацкая раённая арганізацыя ГА \"Беларускі саюз ветэранаў вайны ў Афганістане\", Полацкае епархіяльнае ўпраўленне Беларускай праваслаўнай царквы. 15 лютага 1989 года (27 гадоў таму) быў завершаны вывад савецкіх войскаў з Афганістана. У баявых дзеяннях у далёкай горнай краіне прынялі ўдзел больш за 500 жыхароў Полацка і Полацкага раёна, 29 з іх загінулі. У памяць аб загінуўшых у 2004 годзе ў горадзе ўзведзена капліца, на базе сярэдняй школы №8 адкрыты музей воінаў-інтэрнацыяналістаў.

Па традыцыі 15 лютага ў раёне пройдуць памятныя мерапрыемствы: у Свята-Пакроўскай царкве - набажэнства; ля капліцы Памяці воінаў-інтэрнацыяналістаў - мітынг; у раённым Доме культуры - канцэрт; у арганізацыях і ўстановах адукацыі Полацка і Полацкага раёна - выставы і экспазіцыі, прысвечаныя афганскім падзеям, экскурсіі, сустрэчы з воінамі-інтэрнацыяналістамі, іх роднымі і блізкімі. Удзельнікі мерапрыемстваў успомняць, хто загінуў на той вайне, і аддадуць даніну павагі ветэранам баявых дзеянняў у Афганістане.

Алена Ціханава, БЕЛТА.