Праект абноўленай Канстытуцыі Беларусі цяпер ёсць у аўдыёзапісе
Каб як мага больш грамадзян Беларусі змаглі азнаёміцца з праектам абноўленай Канстытуцыі, было прынята рашэнне зрабіць яго аўдыёверсію. Такі крок дазволіць слабавідушчым беларусам прыняць актыўны ўдзел у абмеркаванні Асноўнага закону краіны.
Над праектам аўдыёзапісу працавала каманда Першага нацыянальнага канала Беларускага радыё. Каб прачытаць усе 49 старонак тэксту, вядучым Паўлу Лазовіку і Надзеі Лысенка спатрэбілася 2 гадзіны. У праекце - 148 артыкулаў. Усе змены пачынаюцца з прэамбулы.
Азнаёміцца з аўдыёварыянтам праекта абноўленай Канстытуцыі Беларусі можна на сайтах Прэзідэнта Беларусі і інфармацыйнага агенцтва БЕЛТА.