Праграма (афіша) IFMC-2018 — ХХХI Міжнародны фестываль сучаснай харэаграфіі ў Віцебску

Праграма (афіша) IFMC 2018 — ХХХI Міжнароднага фестывалю сучаснай харэаграфіі ў Віцебску, інфармацыя аб кошце квіткоў.

 

21 ЛІСТАПАДА (серада)

18.00 Канцэртная зала «Віцебск», ложа А «МУЗЕЙ-АРХІЎ» Адкрыццё выставы-інсталяцыі, прысвечанай 30-годдзю фестывалю  Уваход вольны.

18.00 Канцэртная зала «Віцебск», ложа А «ДЫЯЛОГ З САБОЙ» Адкрыццё выставы мастацкай фатаграфіі АННА МАЙСЕЮК-БАРКОЎСКАЯ, Літва  Уваход вольны.

18.00 Канцэртная зала «Віцебск», ложа А «ПЛАСТЫКА ФАРМЫ» Адкрыццё выставы скульптур АНДРЭЙ ВАРАБ’ЁЎ, Беларусь  Уваход вольны.

18.30 Канцэртная зала «Віцебск», ложа А Танцавальны перформанс  «LITTLE JOY / МАЛАЯ РАДАСЦЬ» 16+  Харэаграфія: Джошуа Монтень. «JOSHUA MONTEN COMPANY», Швейцарыя  Уваход вольны.

19.00 Канцэртная зала «Віцебск», вялікая зала I аддзяленне УРАЧЫСТАЕ АДКРЫЦЦЁ XXXI Міжнароднага фестывалю сучаснай харэаграфіі ў Віцебску Прэзентацыя ўдзельнікаў Міжнароднага конкурсу сучаснай харэаграфіі II аддзяленне Спектакль без слоў, фестывальная версія «КАЛІГУЛА» 16+ Музыка: Павел Акімкін. Рэжысёр-харэограф: Сяргей Зямлянскі. Маскоўскі Губернскі тэатр пад кіраўніцтвам Народнага артыста Расіі Сяргея Безрукава, Расія У аснове пастаноўкі – не толькі сюжэт аднайменнай п'есы Альбера Камю, але і гістарычныя матэрыялы, сюжэты мастацкіх твораў іншых аўтараў. Спектакль пастаўлены ў жанры «пластычнай драмы» – без слоў. Пры гэтым стварэнне мастацкіх вобразаў адбываецца з дапамогай пластыкі цела і музычных акцэнтаў, з выкарыстаннем характэрных танцавальных элементаў, сцэнаграфіі, візуальных эфектаў. Кошт білета: 18.00 – 30.00 рублёў Квіткі ў касах горада і на www.kvitki.by

22 ЛІСТАПАДА (чацвер)

19.00 Канцэртная зала «Віцебск», вялікая зала Балет у дзвюх дзеях «ЛЯГУШКА-ЦАРЭЎНА» 12+ Музыка: П.І. Чайкоўскі. Харэаграфія: Раду Паклітару. Тэатр «КІЕЎ МАДЭРН-БАЛЕТ», Украіна «ЛЯГУШКА-ЦАРЭЎНА» Раду ПАКЛІТАРУ распавядае пра чалавечае быццё, пра вечныя маральныя прынцыпы. Новая гісторыя прывядзе караля да сапраўднага кахання не праз сто гадоў, а праз восем стагоддзяў. А ў каралеўскім палацы паселяцца дзіўныя казачныя героі. Кошт білета: 15.00 – 25.00 рублёў Квіткі ў касах горада і на www.kvitki.by

23 ЛІСТАПАДА (пятніца)

19.00 НАДТ ім. Я. Коласа I аддзяленне. Танцавальны перформанс «ПАВЕТРА» 18+ Музыка: Дзмітрый ЛАДЭС / AORTHA. Выкарыстоўваецца музыка І.С. БАХА. Пастаноўка: Вольга ЛАБОЎКІНА. Артысты: Аляксандр ФІЛІПАЎ, Сяргей ТОЛКАЧ, Вольга ЛАБОЎКІНА. II аддзяленне. Балет-сюіта «TOLSTOY» 12+ Музыка класічных і сучасных кампазітараў. Харэаграфія: Аляксей Растаргуеў, Дзмітрый Анціпаў, Юлія Бачава, Аляксандр Магілёў, Канстанцін Кейхель, Павел Глухоў. Пермскі тэатр «БАЛЕТ ЯЎГЕНА ПАНФІЛОВА», Расія  «У гэтай пастаноўцы мы гуляем з ідэяй свабоды, паветра як прасторы імкненняў…» «Ідэя вітае ў паветры…», «…гэта мая аддушына», «у іх адносінах не было паветра». Што застаецца, калі знікае паветра?  На працягу ўсяго вечара будуць паказаны танцавальныя мініяцюры, аб'яднаныя ў балет-сюіту «TOLSTOY». Іх аб'ядноўвае агульная тэма – творчасць Льва ТАЛСТОГА, 190-годдзе якога сёлета адзначае ўвесь свет. У праграму вечара ўвайшлі працы Аляксея РАСТАРГУЕВА, Паўла ГЛУХОВА, Юліі БАЧЭВАЙ, Аляксандра МАГІЛЁВА, Канстанціна КЕЙХЕЛЯ.  Кошт білета: 12.00 – 15.00 рублёў  Білеты ў касах горада і на www.kvitki.by

24 ЛІСТАПАДА (субота)

16.00 Канцэртная зала «Віцебск», вялікая зала I аддзяленне. Фінал МІЖНАРОДНАГА КОНКУРСУ СУЧАСНАЙ ХАРЭАГРАФІІ. Частка першая II аддзяленне. Харэаграфічны спектакль  «ПАНОПТЫКУМ» 12+ Музыка: Сяргей Іваноў. Харэаграфія: Аляксей Растаргуеў. Пермскі тэатр «БАЛЕТ ЯЎГЕНА ПАНФІЛАВА», Расія  Уявіце, што рэчаіснасць шматмерная, і ў вас ёсць магчымасць зазірнуць у яе адлюстраванне. Гэта свет Паноптыкума. Прастора, дзе час замкнёны ў кола. Уяўленне нараджае Неабходнасць. Сіла – бязвольная. Мы прапануем прайсці па пакоях Паноптыкума і адказаць на пытанне: «што ёсць Свабода»? Кошт білета: 12.00 – 23.00 рублёў  Квіткі ў касах горада і на www.kvitki.by

19.00 Канцэртная зала «Віцебск», вялікая зала I аддзяленне. Фінал МІЖНАРОДНАГА КОНКУРСУ СУЧАСНАЙ ХАРЭАГРАФІІ. Частка другая II аддзяленне. Спектакль-трыб'ют «ЗОРКА 62090» 12+ Музыка: Віктар Цой. Харэаграфія: Сяргей Райнік. Пермскі тэатр «БАЛЕТ ЯЎГЕНА ПАНФІЛАВА», Расія  Спектакль-трыб'ют – гэта адначасова прысвячэнне і пасланне, не проста створанае на аснове музыкі і вершаў Віктара Цоя. Гэта даніна асабліваму стану, які адчувалі ўсе, хто калі-небудзь чуў інтанацыйныя акорды гэтага музыканта. Яго ментальнасць здавалася незямной, а музыка – касмічнай. Увесь яго знешні выгляд, акцэнт і інтанацыі голасу былі толькі пацвярджэннем стаўлення да свету будучыні. Кошт білета: 12.00 – 23.00 рублёў  Квіткі ў касах горада і на www.kvitki.by

25 ЛІСТАПАДА (нядзеля)

18.00 Канцэртная зала «Віцебск», вялікая зала I аддзяленне. Урачыстае закрыццё XXXI Міжнароднага фестывалю сучаснай харэаграфіі ў Віцебску Цырымонія ўзнагароджання і выступленне лаўрэатаў міжнароднага конкурсу II аддзяленне. Спектакль «УВЕРТЮРЫ РОСІНІ» 16+ Музыка: Джаакіна Расіні. Харэаграфія: Маўра Астолфі. «SPELLBOUND CONTEMPORARY BALLET», Італія  Кошт білета: 18.00 – 30.00 рублёў  Квіткі ў касах горада і на www.kvitki.by